રાજકોટ: ભારતીય ક્રિકેટ ટીમના ઓલ રાઉન્ડર ક્રિકેટર રવીન્દ્ર જાડેજાની પત્ની રીવાબાની કાર સાથે અથડાયેલા મોટર સાયકલ ચાલકે હુમલો કરતા ચકચાર જાગી છે.રવીન્દ્રની પત્ની રીવાબાના વાળ પકડી બાઈક ચાલકે ચહેરો કાર સાથે અથડાવી કરેલા હુમલામાં રીવાબાને ઈજા પહોંચી હતી. બીએમડબ્લ્યુ કારમાં સવાર રીવાબા તાત્કાલિક એસપી કચેરી પહોચ્યા હતા અને ત્યાં જ પ્રાથમિક સારવાર આપવામાં આવી છે. આ ઘટનાની ગંભીરતાને લઈને આરોપી પોલીસ કર્મી સામે સસ્પેન્સન સુધીના કડક કાર્યવાહી કરવાની પોલીસ વડાએ ખાતરી આપી છે.
જામનગર સહીત રાજ્યભરમાં ચકચારી બનેલા બનાવની વિગત મુજબ ભારતીય ક્રિકેટ ટીમના ઓલ રાઉન્ડર રવીદ્ર જાડેજાના પત્ની રીવાબા આજે મોડી સાંજે પોતાની બીએમડબ્લ્યુ કાર લઇ શરુ સેશન રોડ પરથી પસાર થતા હતા ત્યારે પોલીસ હેડ વાટર નજીક રોંગ સાઈડમાં આવતા એક મોટર સાયકલ ચાલકે કાર સાથે ટક્કર મારી હતી બાઈક અથડાતા રીવાબાએ કાર થંભાવી દીધી હતી દરમિયાન બાઈક ચાલક યુવાન તુરંત કારમાં સવાર રીવાબાને આંતરી લઇ વાળ પકડી હુમલો કર્યો હતો.
તો તેણીના વાળ પકડી ચહેરો કાર સાથે અથડાવી બાઈક ચાલકે રીવાબાને ઈજા પહોચાડી હતી આ બનાવને પગલે લોકોના ટોળા એકત્ર થઇ ગયા હતા. આ બનાવને પગલે રીવાબા કાર સાથે એસપી કચેરી દોડી ગયા હતા. જયા એસપીએ પોતાની ફર્સ્ટ એઇડ બોકસમાંથી રીવાબાને સારવાર આપી હતી. આ ઘટનાની જાણ થતા જ રવીન્દ્રનો પરિવાર અને અગ્રણીઓ એસપી કચેરીએ દોડી ગયા હતા.
પોરબંદર પોલીસ વડા સોભા ભૂતડા પણ એસપી કચેરીએ પહોચ્યા છે. હાલ રીવાબાને સારવાર આપવામાં આવી રહી છે. બાઈક ચાલક પોલીસકર્મી હોવાનું નજરે જોનાર ચસ્મદીતોએ જણાવ્યું છે. હાલ ફરિયાદની તજવીજ હાથ ધરવામાં આવી છે. આરોપી પોલીસકર્મી સામે કડક કાર્યવાહી તેમજ બદલી અને સસ્પેન્શન સુધીના પગલા ભરવા કાર્યવાહી થશે એમ પોલીસ વડે જણાવ્યું છે.