આજીજી / 'પ્લીઝ...અફઘાનીઓને મોતને ઘાટ ઉતારવાનું બંધ કરો', કાબૂલ બ્લાસ્ટ બાદ રાશિદ ખાનની ભાવુક અપીલ

• રાશિદ ખાને કરી ભાવુક ટ્વિટ
• અફઘાનિસ્તાનમાં થયેલ બ્લાસ્ટ બાદ કરી આજીજી
• કાબુલ બ્લાસ્ટમાં અફઘાની લોકોનું મોત 

​રાશિદ ખાને કરી અપીલ

અફઘાની ક્રિકેટર રાશિદ ખાને સોશ્યલ મિડીયા પર માર્મિક અપીલ કરતાં કહ્યું કે પ્લીઝ અફઘાનીઓને મારવાનું બંધ કરો, કાબૂલ ફરીથી રક્તરંજીત થઇ રહ્યું છે. 

Kabul is bleeding again 😢😢💔💔
STOP KILLING AFGHAN PLEASE 🙏🙏😢😢🇦🇫🇦🇫

— Rashid Khan (@rashidkhan_19) August 26, 2021

અફઘાનિસ્તાનમાં ચાલી રહેલી ઉથલ પાથલના કારણે કાબુલના ઍરપોર્ટ પર દુનિયાભરની ફ્લાઇટ અટકી ગઇ છે. રાશિદ ખાન હાલ યુનાઇટેડ કિંગડમમાં છે અને પીટરસને કહ્યું કે, રાશિદ ખાન પોતાના પરિવારને લઇને ખુબ ચિંતામાં છે. તે પોતાના પરિવારને અફઘાનિસ્તાનમાંથી બહાર કાઢી શકે તેમ નથી.

રાશિદે ભાવૂક પોસ્ટ મૂકી 
રાશિદ ખાને હાલમાં જ સોશ્યલ મિડીયા પર એક સ્ટોરી મૂકી છે જેમાં તેણે પ્રાર્થના કરતા હાથનું ઇમોજી મૂક્યુ છે અને લખ્યું છે કાન્ટ સ્લીપ, આ સ્ટોરી સોશ્યલ મિડીયા પર ખુબ વાયરલ થઇ રહી છે. 

Dear World Leaders! My country is in chaos,thousand of innocent people, including children & women, get martyred everyday, houses & properties being destructed.Thousand families displaced..
Don’t leave us in chaos. Stop killing Afghans & destroying Afghaniatan🇦🇫.
We want peace.🙏

— Rashid Khan (@rashidkhan_19) August 10, 2021

અફઘાનિસ્તાની ક્રિકેટરે કરી અપીલ
ભયના માહોલ વચ્ચે દિગ્ગજ ક્રિકેટર રાશિદ ખાને દુનિયાભરના નેતાઓને અપીલ કરી છે. રાશિદે માર્મિક શબ્દોમાં ટ્વિટર પર લખ્યું કે અમને મરવા માટે ન છોડો. મહત્વનું છે કે છેલ્લા કેટલાક દિવસોથી અફઘાનિસ્તાનમાં તાલિબાન આતંકવાદીઓનો કહેર વધતો જઇ રહ્યો છે. અફઘાનિસ્તાનના ઘણા શહેરો પર કબ્જો જમાવી લીધો છે અને લોકો પોતાના ઘરમાંથી બહાર નીકળતા ડરી રહ્યાં છે. 

તાલિબાન ભડક્યું

આ હુમલા બાદ તાલિબાન ભડકેલુ છે અને આ બ્લાસ્ટની નિંદા કરતા તેણે કહ્યું કે આ બ્લાસ્ટ જે વિસ્તારમાં થયો છે તે અમેરીકી સેનાના નિયંત્રણમાં છે. આ બ્લાસ્ટમાં 13 લોકોના મોત નિપજ્યાં છે જ્યારે 52થી વધારે લોકો ગંભીર રીતે ઘાયલ છે. હુમલામાં અમેરિકાના 4 સૈનિકના મોતની પણ પુષ્ટિ થઇ છે. 

ગત કેટલાક દિવસ પહેલા અફઘાનિસ્તાનને પોતાના કન્ટ્રોલમાં કરનારા તાલિબાનના પ્રવક્તા જબીબુલ્લાહે મુઝાબિદે ટ્વીટ કરી કહ્યું કે કાબૂલમાં સાંજે અનેક વિસ્ફોટનો અવાજ આવ્યો. કાબૂલ એરપોર્ટની અંદર અમેરિકન સૈનિકોએ પોતાના સામાનને નષ્ટ કરવા માટે વિસ્ફોટ કર્યા. કાબૂલ વાસી આનાથી જરાય પણ ગભરાય નથી.  ત્યારે સમાચાર એજન્સી મુજબ તાલિબાને કાબૂલ હુમલાની નિંદા કરી છે અને કહ્યું છે કે આ એ વિસ્તારમાં થયું છે જે અમેરિકન સૈનિકોના નિયંત્રણમાં છે.  તાલિબાનના પ્રવક્તા જબીહુલ્લા મુઝાહિદે કહ્યું કે અમનું સંગઠન ગુરુવારે થયેલા હુમલાની સખત નિંદા કરે છે. અને સુરક્ષા પર પુરૂ ધ્યાન આપી રહ્યું છે.

બાયડને હુમલાખોરોન ચેતવણી આપી છે

કાબૂલના હુમલાખોરોને ચેતવણી આપતા અમેરિકન રાષ્ટ્રપતિ જો બાયડને કહ્યું કે અમે માફ નહીં કરીએ. અમે નહીં ભૂલીએ. અમે તેમને શોધીશું, મારીશું અને તેમના કર્મની સજા આપીશું. રાષ્ટ્રપતિ બાયડને કહ્યું કે અમે અફઘાનિસ્તાનથી અમેરિકન નાગરિકોને બચાવીશું. અમે અમારા અફઘાની સહયોગીઓને કાઢીશું અને અમારું મિશન ચાલુ રાખીશું.