ક્રિકેટ / ટીમ ઈન્ડિયાના યંગ ક્રિકેટર પૃથ્વી શોને BCCIએ કર્યો સસ્પેન્ડ

વેસ્ટઇન્ડિઝ વિરુદ્ધ 2018માં બે ટેસ્ટ મેચ રમનાર 19 વર્ષના પૃથ્વી શૉ રિપોર્ટ અનુસાર પોતાના કુલ્હામાં થયેલ ઇજાને લઇને ઇલાજ કરાવી રહ્યો છે. પૃથ્વીનો સૈયદ મુશ્તાક અલી ટી-20 ટૂર્નામેન્ટ દરમિયાન ડોપિંગ પરીક્ષણ કરવામાં આવ્યો.

જેમા તેને 'ટરબુટેલાઇન'ના સેવનનો દોષી પામવામાં આવ્યો. શૉ ઉપરાંત અન્ય બે ઘરેલૂ ક્રિકેટર વિદર્ભના અક્ષય દુલારવર અને રાજસ્થાનના દિવ્ય ગજરાજને પણ ક્રિકેટ બોર્ડની ડોપિંગ વિરોધી સંહિતાના ઉલ્લંઘનને લઇને દોષી પામવામાં આવ્યા છે. 

બીસીસીઆઇ (BCCI) એ એક નિવેદનમાં કહ્યું કે, 'મુંબઇ ક્રિકેટ બોર્ડ સાથે જોડાયેલ પૃથ્વી શૉ ડોપિંગમાં ફેલ થવાને કારણે પ્રતિબંધિત કરવામાં આવ્યો છે. શૉએ અજાણતા પ્રતિબંધિત પદાર્થનું સેવન કર્યું. આ પદાર્થ સામાન્ય પણે ખાંસીની દવામાં જોવા મળે છે.

પૃથ્વી શૉ પર 8 મહીના માટે પ્રતિબંધ મુકવામાં આવ્યો છે. જે 16 માર્ચ 2019થી 15 નવેમ્બર 2019 સુધી લાગુ રહેશે. એનો અર્થ એ થયો કે હવે પૃથ્વી શૉ બાંગ્લાદેશ અને દ.આફ્રીકા વિરુદ્ધ ઘરેલૂ સીરિઝમાં રમી શકશે નહીં.