ભારતીય ક્રિકેટ ટીમના ઓલરાઉન્ડર કૃણાલ પંડ્યાએ ભલે પોતાના ભાઈ હાર્દિક પંડ્યા પછી ટીમમાં જગ્યા બનાવી હોય, પરંતુ તેમણે ખુદને સારા ક્રિકેટર તરીકે સાબિત કર્યા છે. કૃણાલને માટે ભારતીય ટીમમાં એન્ટ્રી લેવાનો રસ્તો 2017 માં થયેલી IPL બાદ ખુલ્યો હતો. મુંબઈ ઇન્ડિયન્સ આ સીઝન જીત્યું હતું અને ફાઇનલમાં કૃણાલ મેન ઓફ ધ મેચ બન્યા હતા. આજ દિવસે તેમને પોતાની જીવનસાથીને પસંદ કરીને ગર્લફ્રેન્ડ પાંખુડીને પ્રપોઝ કર્યું હતું.
કૃણાલ પંડ્યાની લવ સ્ટોરી
કૃણાલ અને પંખુડીની પહેલી મુલાકાત
ફાઇનલ મેચ જીત્યા બાદ કર્યું પ્રપોઝ
કૃણાલ અને પંખુડીની મુલાકાત તેમના એક કોમન ફ્રેન્ડે કરાવી હતી. બંને વચ્ચે થયેલી પહેલી મુલાકાતથી જ તેમની સારી મિત્રતા થઇ ગઈ હતી. ત્યારબાદ પોતાની ઇજાને કારણે તે ઘણા સમય સુધી મુંબઈમાં જ રોકાયા હતા. આ દરમિયાન બંને એકબીજાને મળવા લાગ્યા અને અહિયાંથી જ તેઓ એકબીજાને ડેટ કરવા લાગ્યા હતા. હાર્દિકને આ બાબતની જાણ ઘણા સમય બાદ થઇ હતી.
પંખુડીનો પરિવાર મુંબઈમાં રહે છે. તેમના પિતા બિઝનેસમેન છે અને તેમની માતા ઇન્ટિરિયર ડિઝાઈનર છે. પંખુડીની મોટી બહેનનું નામ તાન્યા છે. પંખુડી તેના પરિવારમાં સૌથી નાની છે.
ફાઇનલ જીત્યા બાદ કર્યો હતો પ્રપોઝ
કૃણાલે પોતાની લવ સ્ટોરી જણાવતા કહ્યું કે પંખુડી મારી ફ્રેન્ડની સારી ફ્રેન્ડ હતી. અમે લગભગ 2 વર્ષ પહેલા મળ્યા હતા. મને એની સાદગી ઘણી પસંદ છે. મુંબઈ ઇન્ડિયન્સ જ્યારે ચેમ્પિયન બન્યું અને મને ફાઈનલ મેચમાં મેન ઓફ ધ મેચ આપવામાં આવ્યું ત્યારબાદ મેં પંખુડીને પ્રપોઝ કરવાનું વિચાર્યું હતું. મેં જેવી જ લગ્નની વાત કરી તો પાંખુડીએ તરત જ હા પાડી દીધી હતી.
આખી ટિમ સામે કર્યો હતો પ્રપોઝ
પંખુડીએ કહ્યું, રાત્રે મેચ ખતમ થયા પછી કૃણાલ હોટલમાં પોતાના રૂમમાં ગીત ગાતા ગાતા પહોંચ્યા હતા, તે સમયે હું અને તેમનો ભાઈ હાર્દિક પહેલેથી જ રૂમમાં હતા. હાર્દિકે જણાવ્યું કે, કૃણાલને જોઈને મને લાગ્યું કે તે જીતથી ઘણો ખુશ છે. એટલામાં મુંબઈ ઇન્ડિયન્સ ટીમના સાથીઓ અમારા રૂમમાં આવી પહોંચ્યા. મને તેમના પ્લાન વિષે કંઈ જ ખબર ન હતી. જેવી જ હું ઊભી થઇ તેમણે મને પૂછ્યું શું તું મારી સાથે લગ્ન કરીશ? હું તો એમના આ અંદાજને જોતી જ રહી ગઈ. મેં સપનામાં પણ નતુ વિચાર્યુ કે તે મને આટલા રોમેન્ટિક અંદાજથી પ્રપોઝ કરશે.
જ્યારે અમે કૃણાલ પંડ્યાને પુછ્યુ કે સાથી ખેલાડીઓની સામે પંખુડીને પ્રપોઝ કરવો શું એ યોગ્ય હતું? કદાચ પંખુડીએ ના કહી દીધું હોય તો? ત્યારે કૃણાલ પંડ્યાએ કહ્યું કે, જ્યારે તમે બેટિંગ કરી રહ્યા હોઉં છો ત્યારે તમને ખબર નથી હોતી કે બોલર હવે પછીનો બોલ ક્યાં નાખશે, આ મામલામાં પણ એવુ જ હતું. મને પૂરો વિશ્વાસ હતો કે પંખુડીનો જવાબ હા જ હશે. ત્યારબાદ એજ વર્ષે ડિસેમ્બરમાં અમે લગ્ન કરી લીધા હતા.