ક્રિકેટના મેદાન પર અનેક ખેલાડીઓએ પોતાનો જીવ ગુમાવ્યો છે, આવી જ એક ઘટના ઇંગ્લેંડના નોટિંઘમશરમાં થયો હતો.
ઇંગ્લેંડના ક્રિકેટર જોશુઆ ડાઉનીનું પ્રેક્ટિસ દરમિયાન મોત
24 વર્ષની ધરાવતો હતો ઉંમર
ક્રિકેટની પ્રેક્ટિસ કરતી વખતે હાર્ટ એટેક
નોટિંઘમશર ક્રિકેટ બોર્ડ પ્રીમિયર લીગમાં રમનારા ક્રિકેટર જોશુઆ ડાઉનીનું અવસાન થયું છે. જોશુઆ ડાઉની મેદાન પર બેટિંગની પ્રેક્ટિસ કરી રહ્યો હતો ત્યારે તેને હાર્ટ એટેક આવ્યો હતો અને તે બેહોશ થઈ ગઈ હતી. મિત્રોએ એમ્બ્યુલન્સને બોલાવી પણ ત્યાં સુધીમાં જોશુઆએ જીવ ગુમાવ્યો હતો. આશ્ચર્યની વાત એ છે કે જોશુઆ ફક્ત 24 વર્ષનો હતો.
જોશુઆ ડાઉનીના મૃત્યુથી હડકંપ
જોશુઆ ડાઉનીના મૃત્યુથી તેના પરિવાર અને સાથી ખેલાડીઓ ચોંકી ઉઠ્યા છે. જોશુઆ ડાઉની ક્રિકેટર તેમજ શિક્ષક હતો. તાજેતરમાં તેણે લિવરપૂલ યુનિવર્સિટીમાંથી ગ્રેજ્યુએશન પૂર્ણ કર્યું છે.
કોણ છે જોશુઆ ડાઉની?
આપને જણાવી દઇએ કે, જોશુઆ ડાઉની ઓલિમ્પિક જિમનાસ્ટ બેકી ડાઉની અને એલી ડાઉનીનો ભાઈ છે. જોશુઆ ડાઉનીની માતા હેલેન આઘાત અનુભવી રહી છે અને તે વિશ્વાસ કરી શકતી નથી કે તેનો પુત્ર તેને આટલી નાની ઉંમરે છોડી ગયો છે.
નોટિંઘમશર ક્રિકેટ બોર્ડ પ્રીમિયર લીગમાં પણ જોશુઆ ડાઉનીના મોત પર દુ:ખ વ્યક્ત કરાયું હતું. નિવેદનમાં કહેવામાં આવ્યું છે કે, એનપીએલના દરેક સભ્યને જોશુઆના મૃત્યુથી ભારે દુ:ખી છે. જોશુઆના પરિવાર પ્રત્યે આપણી સંવેદના.