આજે રાજ્યની 26 લોકસભાની બેઠકો માટે મતદાન થઇ રહ્યું છે. સાથે ગુજરાત વિધાનસભાની 4 બેઠકોનું પણ મતદાન થઇ રહ્યું છે. ઉમેદવારોની સાથે સાથે સૌરાષ્ટ્રમાં સેલિબ્રિટીઝ પણ મતદાન કરતાં જોવા મળી રહ્યાં છે. જોઇએ આ વિશેષ અહેવાલ.
રાજકોટમાં ક્રિકેટર ચેતેશ્વર પુજારાએ મતદાન કર્યુ છે. ચેતેશ્વર પુજારાએ રવિ વિદ્યાલયના મતદાન મથકેથી પોતાનો મત આપ્યો હતો. ચેતેશ્વર પુજારા પોતાના પરિવારજન સાથે મતદાન મથકે પહોંચ્યા હતા. આ દરમિયાન તેમણે પ્રતિક્રિય આપી છે કે, આ ચૂંટણીમાં લોકોમાં જાગૃતિ જોવા મળી રહી છે આ ચૂંટણીમાં પહેલાં કરતા વધુ મતદાન થશે.
તો ઉમેદવારોની સાથે સાથે સૌરાષ્ટ્રમાં સેલિબ્રિટીઝ પણ મતદાન કરતાં જોવા મળી રહ્યાં છે. રાજકોટમાં હાસ્ય કલાકાર સાંઈરામ દવેએ રૈયા રોડ પર આવેલી જ્ઞાન શાળામાં મતદાન કર્યું હતું અને લોકોને પણ મતદાન કરવા માટે અપીલ કરી હતી.
રાજકોટના યુવરાજ માંધાતાસિંહ વિન્ટેજ કારમાં મતદાન કરવા પહોંચ્યા હતા. તો રવિન્દ્ર જાડેજાના બહેન નયનાબાએ મતદાન કર્યું, ધીરૂભાઈ સરવૈયાએ ખીરસરા તાલુકા શાળામાં મતદાન કર્યું. ગોંડલ તાલુકાના શ્રીનાથગઢ ગામમાં નવદંપતિએ લગ્નના ફેર ફરતા પહેલા મતદાન કર્યું હતું. રિવા ક્યાડા અને પારૂલ ખાખરે મતદાન કર્યું.