ક્રિકેટ / AUSના મહાન ક્રિકેટરે કહ્યું- ભારત સહિત આ ટીમ છે World Cupની પ્રબળ દાવેદાર

ઓસ્ટ્રેલિયાને 2007માં ટાઇટલ અપાવી ટૂર્નામેન્ટમાં સર્વશ્રેષ્ઠ ખેલાડી બની આંતરરાષ્ટ્રીય ક્રિકેટને અલવિદા કહેનાર મેક્ગ્રાએ કહ્યું કે હાલના વનડે આતંરાષ્ટ્રીય મેચમાં પ્રદર્શન જોતા બ્રિટેનને હરાવવું સરળ નહી બની રહે. ઇંગ્લેન્ડમાં 30 મેથી ક્રિકેટ વિશ્વકપની શરૂઆત થઇ રહી છે.

'ઇએસપીએન ક્રિકઇન્ફો' એ મેક્ગ્રાના હવાલાથી કહ્યું કે, 'ઇંગ્લેન્ડની વનડે ટીમ ઘણી સારી છે. મારી દ્રષ્ટીએ વર્લ્ડ કપમાં તે પ્રબળ દાવેદાર છે. તેથી મને લાગે છે તે ઘણું સારું પ્રદર્શન કરશે.' મેક્ગ્રાએ કહ્યું કે, 'સંભવત: હું ભેદભાવમાં નથી માનતો. આપણે વર્તમાન ફોર્મ પર ધ્યાન આપવું પડશે. ઇંગ્લેન્ડની ટીમે જે રીતે પ્રદર્શન કર્યું છે તેનાથી હું પ્રભાવિત છું. એમણે કેટલાક ઘણા મોટા સ્કોર બનાવ્યા છે.'

મેક્ગ્રાએ કહ્યું, 'મોટાભાગની ટીમ પહેલી 15 અને અંતિમ 15 ઓવરોમાં ઝડપી રન બનાવે છે. અને વચ્ચેની ઓવરોમાં સ્થિતિ મજબૂત બનાવવાની કોશિશ કરે છે. પરંતુ ઇંગ્લેન્ડ, ભારત જેવી ટીમ 50 ઓવર સુધી જબરદસ્ત ક્રિકેટ રમે છે. અને તે ટી-20 ક્રિકેટનો પ્રભાવ છે.' 

ચેન્નઇમાં એમઆરએફ પેસ ફાઉન્ડેશનના ક્રિકેટ ડિરેક્ટર મેકગ્રાનું જોકે માનવું છે કે ભારત અને ઓસ્ટ્રેલિયામાં ઇંગ્લેન્ડને મોટી ટક્કર આપવાની ક્ષમતા છે. મેક્ગ્રાએ કહ્યું, 'હું એમ નથી કહી રહ્યો  કે એ (ઇંગ્લેન્ડ) વર્લ્ડ કપ જીતશે. એમણે પ્રબળ દાવેદાવ છે અને સ્વદેશમાં હરાવવી મુશ્કેલ રહેશે. પરંતુ આશા રાખું છું કે ઓસ્ટ્રેલિયા સારું પ્રદર્શન કરશે.'

મેક્ગ્રાએ કહ્યું. 'મારા માટે બે અસાધારણ ટીમ ભારત અને ઇંગ્લેન્ડ રહેશે તથા આશા રાખું છુ કે ઓસ્ટ્રેલિયા સારું પ્રદર્શન કરશે.' રાઇટ હેન્ડ પૂર્વ ફાસ્ટ બોલરે કહ્યું કે દક્ષિણ આફ્રિકા, વેસ્ટઇન્ડિઝ અને પાકિસ્તાનની ટીમો પર પણ વિશ્વકપની નજર રહેશે પરંતુ એમણે કહ્યું કે ઓસ્ટ્રેલિયાન ટીમ ફાઇનલમાં જગ્યા બનાવશે.