ક્રિકેટ / ખરાબ બેટિંગના કારણે ટીમ ઈન્ડિયાના 'વિજયરથ'ને લાગી બ્રેક, પાકિસ્તાન સામે 13 રને મળી હાર

• એશિયા કપમાં ભારતનો પાકિસ્તાન સામે પરાજય  
• ભારતીય મહિલા ટીમને મળ્યો હતો 137 રનનો ટાર્ગેટ 
• નબળી બેટિંગના કારણે 124 રન સુધી જ પહોંચી ભારતીય ટીમ

બાંગ્લાદેશમાં રમાઈ રહેલા મહિલા એશિયા કપની ગ્રુપ મેચમાં ભારતીય ટીમને પાકિસ્તાન સામે હારનો સામનો કરવો પડ્યો હતો. નિદા ડારના 56 રનની મદદથી પાકિસ્તાને 6 વિકેટે 137 રન બનાવ્યા હતા. ટીમ ઇન્ડિયા નબળી બેટિંગના કારણે માત્ર 124 રન સુધી જ પહોંચી શકી હતી. નિદાએ બોલિંગમાં પણ પોતાનો હાથ બતાવ્યો અને 2 વિકેટ લીધી. ભારતીય ટીમ જીતની હેટ્રિક સાથે અહીં પહોંચી હતી પરંતુ પાકિસ્તાને તેમનો વિજય રથ રોક્યો હતો. આ મેચ બાદ હવે ભારત અને પાકિસ્તાન બંનેના ચાર મેચ બાદ ત્રણ જીતથી 6-6 પોઇન્ટ થઇ ગયા છે.

ટીમ ઈન્ડિયાની બેટિંગ કામ ન લાગી
પાકિસ્તાન તરફથી સ્કોરને ચેઝ કરવા ઉતરેલી ભારતીય ટીમમાં હડકંપ મચી ગઈ હતી. 138 રનના આસાન ટાર્ગેટ ભારત માટે પણ કંગાળ બેટીંગ પર્ફોમન્સને કારણે મુશ્કેલી સર્જાઈ હતી. ટોપ ઓર્ડર મોટો સ્કોર કરવામાં નિષ્ફળ રહ્યો હતો. મેઘનાએ 15 અને સ્મ્રિતિ મંધાનાએ 17 રન ફટકાર્યા બાદ વાપસી કર્યું હતું, જ્યારે ટોપ ફોર્મમાં રહેલી જેમિમાહ રોડ્રિગ્સ માત્ર 2 રન જ બનાવી શકી હતી. કેપ્ટન હરમનપ્રીત કૌર માત્ર 12 રનનું યોગદાન આપી શકી હતી. આ મેચમાં તેનું નીચેના ક્રમે મેદાનમાં આવવું સમજની બહાર હતું.

A close contest but it is Pakistan who win the game.#TeamIndia will look to bounce back in their next encounter 👍🏻

Scorecard ▶️ https://t.co/Q9KRCvhtzz…#INDvPAK | #AsiaCup2022 pic.twitter.com/VDchyPQ5bU

— BCCI Women (@BCCIWomen) October 7, 2022

રિચાની ઇનિંગ્સની ધમાકેદાર પારી
19 વર્ષની રિચા ઘોષની બેટિંગે મેચમાં રોમાંચ પેદા કર્યો હતો. ભારતે જ્યારે બેકફૂટ પર નજર કરી ત્યારે આ યુવાને ત્રણ છગ્ગા ફટકારીને સનસનાટી મચાવી હતી. જોકે 13 બોલ રમ્યા બાદ તે 26 રન બનાવી આઉટ થઈ ગઈ હતી અને આ સાથે જ ભારતની આશા પણ ડૂબી ગઈ હતી.

નિદા અને બિસ્માહની ભાગીદારીએ રમત બદલી નાખી
પાકિસ્તાનની ટીમને શરુઆતના આંચકા બાદ નિદા ડારે એક છેડે બેજોડ ઈનિંગ રમી હતી. 37 બોલમાં 5 ચોગ્ગા અને 1 છગ્ગો ફટકારીને હવે તેણે ટીમને સન્માનજનક સ્કોર સુધી પહોંચાડવામાં ભૂમિકા ભજવી હતી. ચોથી વિકેટ માટે બિસ્માહ મારૂફ સાથે મળીને તેણે 76 રનની મહત્વની ભાગીદારી નોંધાવી હતી. 33 રનમાં 3 વિકેટ ગુમાવી ચુકેલા પાકિસ્તાને 6 વિકેટે 137 રન બનાવ્યા હતા.