ભારતીય ટેસ્ટ ક્રિકેટ ટીમનો કેપ્ટન વિરાટ કોહલી પોતાની આક્રમકતા માટે જાણીતો છે, સાઉથ આફ્રિકા સામેની મેચના બીજા દિવસે વિરાટે તેના આ સ્વરૂપના દર્શન કરાવ્યા હતા.
ભારતીય ટેસ્ટ ક્રિકેટ ટીમના કેપ્ટન વિરાટ કોહલી સાઉથ આફ્રિકા સામેની મેચમાં પોતાની ટીમને આગવા અંદાજમાં લીડ કરતાં દેખાયો હતો.
સાઉથ આફ્રિકા સામે કેપટાઉનમાં ભારત અને દક્ષિણ આફ્રિકા વચ્ચે ત્રીજી ટેસ્ટ ચાલી રહી છે. ભારતની સ્થિતિ અત્યારે મજબૂત લાગી રહી છે.
મેચની બીજી ઇનિંગમાં ભારત સાઉથ આફ્રિકાને ઓલઆઉટ કરવાના જોરદાર પ્રયાસ કરી રહ્યું હતું ત્યારે કેપ્ટન કોહલી બોલર્સનો જુસ્સો વધારતો જોવા મળ્યો હતો. કોહલીએ સતત જોશ સાથે ટીમના ખેલાડીઓને ચીયર કર્યા હતા.
ગ્રાઉન્ડમાં પ્રેક્ષકોની હાજરી ઘટે છે
ગ્રાઉન્ડમાં કોવિડના કારણે હાલ પ્રેક્ષકો જોવા મળતા નથી. જેને પગલે સારા પ્રદર્શન માટે ટીમનો જુસ્સો વધારવા માટે પ્રેક્ષકોની કમી નજરે ચડે છે. આવી સ્થિતિમાં કેપટાઉન ટેસ્ટના બીજા દિવસે કોહલીએ એવો આઇડિયા લગાવ્યો હતો કે જેમાં તે વિકેટ લેનાર બોલર માટે તાળીઓ વગાડવા માટે તે ખેલાડીઓ અને સ્ટાફને પ્રોત્સાહિત કરતો દેખાયો હતો.
Kohli celebrates the wickets.. looks towards his team dug out and shouts 'Keep Clapping Boys.. Keep Clapping' and this follows..
આ ઘટનાનો એક વિડીયો વાયરલ થયો હતો જેમાં ડ્રેસિંગ રૂમ કે ડગ આઉટમાં બેઠેલા ખેલાડીઓ ભારતીય બોલર્સનો જુસ્સો વધારવા માટે તાળીઓ પડી ચીયર કરી રહ્યા છે અને ટીમ ઈન્ડિયાના પ્લેયર્સ પણ તેમાં સાથે જોડાયા હતા.
દેખીતી રીતે જ કેપ્ટન કોહલી પોતાની અગ્રેસીવ ઇમેજ માટે જાણીતો છે. મેદાન પર હજારો દર્શકો વચ્ચે તેનો જુસ્સો ચરમસીમા પર હોય છે. મેદાન પર પ્રેક્ષકો ન હોય તો તે પોતાની જ પોતાની સ્કવોડનો જુસ્સો વધારે છે.
હાલ ભારતની સ્થિતિ મજબૂત
અને ભારતીય ટીમના 222 રન બાદ આફ્રિકન ટીમને બુમરાહ અને શમિની જોડીએ 210 રનના સ્કોર પર ધ્વસ્ત કરી દીધી હતી. ભારતને 13 રનની લીડ મળી હતી અને બીજા દિવસની રમતના અંતે ભારતનો સ્કોર બે વિકેટે 57 રન હતો.