Video / 'બહેરા નહીં હૂં મેં...' IPL પહેલા એનિમલ લૂકમાં છવાયો મહેન્દ્ર સિંહ ધોની, વીડિયો જોઈ ફેન્સ ચોંક્યા

Mahendra Singh Dhoni New Look with E Motorad: ભારતીય ક્રિકેટ ટીમના ભૂતપૂર્વ કેપ્ટન મહેન્દ્રસિંહ ધોની એક વીડિયોમાં નવા લુકમાં જોવા મળી રહ્યા છે. આમાં ધોની ફિલ્મ એનિમલનો ડાયલોગ પણ બોલી રહ્યો છે.

સંદીપ રેડ્ડી વાંગા દ્વારા દિગ્દર્શિત ફિલ્મ એનિમલ ખૂબ જ સફળ સાબિત થઈ છે. આ ફિલ્મમાં જોવા મળેલો રણબીર કપૂરનો લુક ખૂબ વાયરલ થયો હતો. ભારતીય ક્રિકેટ ટીમના ભૂતપૂર્વ કેપ્ટન મહેન્દ્રસિંહ ધોની રણબીર કપૂરના જ લુકમાં જોવા મળી રહ્યા છે. સોશિયલ મીડિયા પર એમએસ ધોનીનો એક વીડિયો સામે આવ્યો છે, જેમાં તે ફિલ્મ એનિમલના સંવાદો બોલતો જોવા મળી રહ્યો છે.

એમએસ ધોની સાયકલ પર સવાર

એમએસ ધોની ઇ-મોટોરાડ માટે એક જાહેરાત કરતો જોવા મળે છે. આ જાહેરાતમાં ધોની સાથે એનિમલ ફિલ્મ ડિરેક્ટર સંદીપ રેડ્ડી વાંગા પણ જોવા મળે છે. આ જાહેરાતમાં જ ધોની સંદીપ રેડ્ડી વાંગાને કહે છે કે 'સુનાઇ દે રહા હૈ મુજે, બહરા નહી હૂં મે'. આ વિજ્ઞાપનમાં ધોનીના ડાયલોગની સાથે તેની સ્ટાઇલ પણ એનિમલના રણવિજય જેવી છે.

ઇ-મોટોરાડ પ્રોડક્ટ્સ

ઇ-મોટોરાડ એક એવી કંપની છે જે ઇલેક્ટ્રિક સાયકલ બનાવે છે, જેમાં રિમૂવેબલ બેટરીઓ પણ હોય છે. આ બ્રાન્ડની ઈ-સાયકલ એક જ ચાર્જિંગમાં 80 કિલોમીટરથી વધુની રેન્જ આપવાનો દાવો કરે છે. આ કંપની પ્રીમિયમ સાયકલ બનાવે છે. આ કંપનીની સાયકલનું નામ ટી-રેક્સ એર છે, જે પાંચ કલર વેરિએંટ સાથે આવે છે. આ ઇલેક્ટ્રિક સાયકલની કિંમત 34,999 રૂપિયા છે. આ બ્રાન્ડનું બીજું મોડેલ T-Rex+ V3 છે, જેની કિંમત 44,999 રૂપિયા છે.

આ પણ વાંચોઃ ક્રિકેટ / હાર્દિક પંડ્યા મુંબઈ ઈન્ડિયન્સનો કેપ્ટન નહીં! આ કારણે CSK સામે IPLની મેચ નહીં રમે

ઇલેક્ટ્રિક સાયકલ એસેસરીઝ

ઇલેક્ટ્રિક સાયકલ બનાવવા ઉપરાંત ઇ-મોટોરાડ તેનાથી સંબંધિત એસેસરીઝનું પણ ઉત્પાદન કરે છે. તેમાં હેલ્મેટ, પંપ, લોક, લાઇટ, ફેંડર્સ, બેગ, મોબાઇલ હોલ્ડર, સેડલ કવર, કેરિયર અને બોટલ કેજ જેવી એક્સેસરીઝનો સમાવેશ થાય છે. આ બધી વસ્તુઓ વ્યાવસાયિક રાઇડર્સ માટે જરૂરી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ