IPLIN
 

ક્રિકેટ / VIDEO: સૌરાષ્ટ્રના ભવ્ય વિજય બાદ જયદેવ ઉનડકટે મેદાન પર જ કર્યું એવું કે જોઈને તમે પણ થઈ જશો ઈમોશનલ

Team VTV 05:32 PM, 03 Dec 22
Follow us
cricket vijay hazare trophy final jaydev unadkat emotional after winning the match

સૌરાષ્ટ્રએ મહારાષ્ટ્રને 5 વિકેટથી હરાવીને વિજય હજારે ટ્રોફી પોતાના નામ કરી છે. શેલ્ડન જેક્સનનાં શાનદાર શતકને કારણે સૌરાષ્ટ્રએ આ ઉપલ્બ્ધી મેળવી છે. સૌરાષ્ટ્રનાં કેપ્ટન જયદેવ ઉનાદકટ જીત મેળવ્યા બાદ મેદાન પર ભાવુક થતાં દેખાયાં હતાં.

  • સૌરાષ્ટ્ર વિજય હજારે ટ્રોફીની વિજેતા ટીમ
  • મહારાષ્ટ્રને 5 વિકેટથી માત આપી
  • કેપ્ટન જયદેવ ઉનાદકટનો ભાવુક વીડિયો વાયરલ

વિજય હજારે ટ્રોફીનાં ફાઇનલ મેચમાં સૌરાષ્ટ્રએ 5 વિકેટથી જીત મેળવી છે. જયદેવ ઉનાદકટનાં નેતૃત્વમાં સૌરાષ્ટ્રએ મહારાષ્ટ્રને ગુજરાતનાં નરેન્દ્ર મોદી સ્ટેડિયમમાં માત આપી છે. ઉનાદકટનાં નેતૃત્વમાં સૌરાષ્ટ્રનં 2019માં રણજી ટ્રોફી જીતી હતી અને હવે તેમણે વિજય હજારે ટૂર્નામેન્ટમાં પણ જીત મેળવી છે. જીત બાદ જયદેવ ઉનાદકટ મેદાન પર ભાવુક દેખાયા હતાં.

કેપ્ટન જીત બાદ થયાં ભાવુક
સૌરાષ્ટ્રનાં કેપ્ટન જયદેવ ઉનાદકટ ટ્રોફી જીત્યા બાદ મેદાન પર ઘુંટણ પર બેસી ગયાં હતાં. તેમણે મેચમાં 10 ઓવરની બોલિંગ કરી 25 રન આપ્યાં હતાં. તેમનો આ ભાવુક રિએક્શન સોશિયલ મીડિયા પર ઘણો વાયરલ થઇ રહ્યો છે.

બીજી વખત ચેમ્પિયન બન્યુ સૌરાષ્ટ્ર
મહારાષ્ટને 5 વિકેટથી હરાવીને સૌરાષ્ટ્રની ટીમે બીજી વખત વિજય હજારે ટ્રોફી પોતાના નામ કરી છે. આ પહેલાં વર્ષ 2007માં સૌરાષ્ટ્રની ટીમે બંગાળને હરાવીને આ ટ્રોફી જીતી હતી. તો સૌથી વધુ 5 વખત આ ટ્રોફી જીતનાર ટીમ તરીકે તમીલનાડુનું નામ ટોપ પર છે.

ઋતુરાજે ફટકાર્યા રન
મેચની ચર્ચા કરીએ તો પહેલી બેટિંગ કરી રહેલાં ઋતુરાજે  મહારાષ્ટ્ર માટે જોરદાર શતકીય મેચ રમી હતી. તેમણે 131 બોલ પર 7 ચોગ્ગા અને 6 છગ્ગાંની મદદથી 108 રન બનાવ્યાં હતાં અને સ્કોરને 248 રનો સુધી પહોંચ્યો હતો. તો સૌરાષ્ટ્રનાં શેલ્ડન જેક્સને 136 બોલમાં 12 ચોગ્ગાં અને 5 છગ્ગાં ફટકારતાં 133 રન બનાવ્યાં હતાં. તો હાર્વિક દેસાઇએ પણ ધમાકેદાર અર્ધશતક ફટકાર્યાં હતાં. તેમણે પણ 67 બોલમાં 50 રનો બનાવી અને મહારાષ્ટ્રનાં ભુક્કા બોલાવ્યાં હતાં.

Vijay Hazare Trophy saurashtra cricket association Saurashtra jaydev unadakat ક્રિકેટ મેચ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ