ગાંધીનગર ખાતે ગુજરાતના ઇતિહાસમાં પહેલી વખત ધારાસભ્યોની ક્રિકેટ ટુર્નામેન્ટનું આયોજન કરાયું છે. આ ક્રિકેટ ટુર્નામેન્ટની ફાઇનલ મેચ 28 માર્ચે રમાશે.
ધારાસભ્યોની ક્રિકેટ ટુર્નામેન્ટ આજથી શરૂ
નદીઓના નામ પર રખાયા છે ટીમોના નામ
આજે બનાસ અને વિશ્વામિત્ર ટીમ વચ્ચે જામ્યો મુકાબલો
ગુજરાત વિધાનસભાના ઇતિહાસમાં સૌ પ્રથમ વખત ધારાસભ્યો ક્રિકેટ મેચ રમી રહ્યાં છે. મુખ્યમંત્રી ભૂપેન્દ્ર પટેલ અને વિધાનસભાના અધ્યક્ષ શંકર ચૌધરીની હાજરીમાં તમામ ધારાસભ્યો ક્રિકેટ મેચ રમવાના છે.ગુજરાતના ઇતિહાસમાં પહેલી વખત ધારાસભ્યોની ક્રિકેટ ટુર્નામેન્ટનું આયોજન કરાયું છે. મુખ્યમંત્રી ભૂપેન્દ્ર પટેલ અને વિધાનસભાના અધ્યક્ષ શંકર ચૌધરીએ આ ટૂર્નામેન્ટની શરૂઆત કરાવી છે. મુખ્યમંત્રી ભૂપેન્દ્ર પટેલ બોલિંગ અને બેટિંગ કરી મેચની શરૂઆત કરાવી છે
નદીઓના નામ પર રખાયા છે ટીમોના નામ
ગાંધીનગરના સેક્ટર 21 ખાતે બનાવવામાં આવેલા નવા ક્રિકેટ સ્ટેડિમય ખાતે 'સ્વર્ણિમ ગુજરાત MLA ક્રિકેટ લીગ 2022-23'નું આયોજન કરવામાં આવ્યું છે. આજે ગાંધીનગરના ક્રિકેટ મેદાનમાં ધારાસભ્યો ચોગ્ગા અને છગ્ગા ફટકારતા જોવા મળી રહ્યાં છે. ધારાસભ્યોની ટીમમાં વિધાનસભાના અધિકારી અને કર્મચારીઓ પણ જોડાયા છે. આપને જણાવી જઈએ કે, આ ક્રિકેટ ટુર્નામેન્ટ માટે ધારાસભ્યોની 9 ટીમ બની છે. ધારાસભ્યોની આ ક્રિકેટ ટુર્નામેન્ટમાં ટીમના નામ પણ નદીઓના નામ પર રાખવામાં આવ્યા છે. આ ટુર્નામેન્ટની શરૂઆત આજથી શરૂ કરાઈ છે ફાઇનલ મેચ 28 માર્ચે રાત્રે 10.00 વાગ્યે રમાશે.
'સ્વર્ણિમ ગુજરાત MLA ક્રિકેટ લીગ 2022-23'નું સંપૂર્ણ શિડ્યુલ
આજે બનાસ અને વિશ્વામિત્ર ટીમ વચ્ચે મુકાબલો જામ્યો છે