હાલ સમગ્ર દેશ કોરોના સામે જંગ લડી રહ્યો છે. દેશમાં 21 દિવસનું લોકડાઉન છે. ત્યારે હિમાચલ પ્રદેશના મંડી જિલ્લામાં કર્ફ્યૂમાં છૂટ દરમિયાન ગાડી લઈને માર્કેટમાં જવું ભારતીય ક્રિકેટર ઋષિ ધવનને ભારે પડ્યું છે. મંડીના ગાંધી ચોકમાં પોલીસને તપાસ બાદ એક લક્ઝરી કારનું ચલાણ કાપ્યું છે. તેની પાસે ગાડી લાવવાની મંજૂરી નહોતી. જેથી ડીએમના આદેશનો ભંગ કરવા પર ગાડીચાલકને 500 રુપિયા દંડ ફટકારવામાં આવ્યો હતો.
આ ભારતીય ક્રિકેટરે લોકડાઉનમાં નિયમ ભંગ કર્યો
ભારતીય ક્રિકેટર ઋષિ ધવનને ભારે પડ્યું
ગાડી લાવવાની મંજૂરી નહોતી ત્યાં જવા બદલ ક્રિકેટર પર થઈ કાર્યવાહી
ભારતીય ક્રિકેટ ટીમમાં ઓલરાઉન્ડર તરીકે રમી ચૂકેલા અને હિમાચલ પ્રદેશની રણજીના સ્ટાર બેટ્સમેન ઋષિ ધવને નિયમ ભંગ કરતાં દંડ ચૂકવવો પડ્યો. હેડ કોન્સ્ટેબલ સંજીવ કુમારે નિયમોના ભંગ કરવા બદલ ક્રિકેટર ઋષિ ધવનની કારનું ચલાણ કાપ્યું હતું. ત્યારે ઋષિ ધવને ચલાણની ચૂકવણી કરી હતી.
તમને જણાવી દઈએ કે, ક્રિકેટર ઋષિ ધવન પોતાની લક્ઝરી ગાડીમાં બજાર જવા નીકળ્યો હતો. ગાંધી ચોકમાં પોલીસે જ્યારે તેની પૂછપરછ કરી તો તેની પાસે વાહનની મંજૂરી નહોતી. જ્યારે જિલ્લા પ્રશાસને કર્ફ્યૂ છૂટ દરમિયાન વાહનોના ઉપયોગ પર પૂરી રીતે પ્રતિબંધ લગાવી દીધો છે અને જરુરી વાહનોને જ મંજૂરી સાથે જ આવવાની છૂટ આપવામાં આવી છે. અન્ય લોકોને કર્ફ્યૂ દરમિયાન ચાલીને જ જવા કહેવામાં આવ્યું છે, પરંતુ ક્રિકેટર ઋષિ ધવન ગાડી લઈને બજારમાં પહોંચી ગયો હતો. જેથી તેના પર પોલીસે કાર્યવાહી કરી હતી.
એસપી ગુરૂદેવ શર્માએ જણાવ્યું કે, નિયમોનો ભંગ કરનાર લોકો પર કડક કાર્યવાહી કરવામાં આવી રહી છે. તમને જણાવી દઈએ કે, ઋષિ ધવન ટીમ ઇન્ડિયામાં રમી ચૂક્યો છે. તે આ સિવાય તે આઈપીએલમાં પંજાબ અને મુંબઈ ટીમનો સભ્ય પણ રહ્યો છે.