ક્રિકેટ / ઋષભ પંતે એક શાર્પ બાઉન્ડ્રી ફટકારતાં રોષે ભરાયો બેન સ્ટોક્સ, ગુસ્સામાં મેદાન પર કરી આવી હરકત 

• ઋષભ પંતની બાઉન્ડ્રીથી હતાશન થયો બેન સ્ટોક્સ 
• આગલી બોલે દડો હાથ માંથી લપસી પડતાં મારી લાત 
• દિવસના અંતે ભારતનો સ્કોર સાત વિકેટના નુકસાન પર ૨૯૪ રન નોંધાયો

ભારત અને ઇંગ્લેન્ડ વચ્ચે ચાર ટેસ્ટ મેચની શ્રેણીની છેલ્લી મેચ અમદાવાદના નરેન્દ્ર મોદી સ્ટેડિયમ ખાતે રમાઇ રહી છે. આ મેચમાં ભારતીય વિકેટકીપર બેટ્સમેન ઋષભ પંતે અને વોશિંગ્ટન સુંદરે ભારતની લાજ બચાવી હતી, એક સમયે ૧૫૩ રનના સ્કોર પર ૬ વિકેટ ગુમાવી દેનારા ભારતનો સ્કોર આજના દિવસની રમતના અંતે સાત વિકેટના નુકસાન પર ૨૯૪ રન નોંધાયો હતો. ઋષભ પંતની ઝડપી સદી અને તેના પછી વોશિંગ્ટન સુંદરની અણનમ અડધી સદીથી ભારતે ઈંગ્લેન્ડ પર ૮૯ રનની નિર્ણાયક લીડ મેળવી લીધી છે. જેમાં સુંદર ૬૦ રન અને અક્ષર પટેલ ૧૧ રન બનાવીને ક્રીઝ પર અણનમ રહ્યા હતા.

“On my turn... can we remember where we were!?”#INDvsENG | #UncleJohnson | @DavidBrentMovie pic.twitter.com/aWepjm1d2f

— Murali End 🇱🇰 (@MuraliEnd) March 5, 2021

ઈંગ્લેન્ડના ક્રિકેટરો માનસિક રીતે ભાંગી પડ્યા છે 

જો કે આજે મેચમાં એક સમયે એવો બનાવ બન્યો હતો જેનાથી દેખાઈ રહ્યું હતું કે કઈ રીતે ઉપરાછાપરી બે હારથી ઈંગ્લેન્ડના ક્રિકેટરો માનસિક રીતે હતાશ બની ગયા છે. હકીકતે ઈંગ્લેન્ડનો ઓલરાઉન્ડર બેન સ્ટોક્સ તેની ઓવર નાખી રહ્યો હતો, ત્યારે સામે ક્રીઝ પર ઋષભ પંત બેટિંગ કરી રહ્યો હતો, બેનની ઓવર[ના એક બોલ પર ઋષભ પંતે એક દર્શનીય શૉટ રમીને બાઉન્ડ્રી ફટકારી દીધી, જેનાથી બેન એટલો હતાશ થઈ ગયો કે જ્યારે તે આગલો બોલ નાખવા રનિંગ કરી રહ્યો હતોન ત્યારે બોલ પર તેની ગ્રીપ ઢીલી પડી ગઈ હતી અને દડો તેના હાથમાંથી છૂટી ગયો અને લપસી પડ્યો, જેના પછી દોડી રહેલો બેન સ્ટોક્સ ધૂંધવાઈ ગયો હતો અને તેણે ગબડી રહેલા બોલને લાત મારીને ક્રીઝની બહાર ધકેલી દીધો હતો.

#BenStokes Looks very frustrated 😂🔥 #INDvsENG #INDvENG

— Mahi (@Mahi95826262) March 5, 2021

Stokes has officially gone mad. #INDvsENG

— Aditya Murugesh (@acidicprogram7) March 5, 2021

આ ઘટનાનો વીડિયો સોશિયલ મીડિયા પર વાયરલ થઈ રહ્યો છે અને તે જ સમયે ક્રિકેટ પ્રેમીઓ ઈંગ્લેન્ડના ક્રિકેટરોને અમદાવાદની ગરમીમાં શાંત રહેવાની સલાહ આપી રહ્યા છે. જો કે સાથે જ તેઓ એમ પણ કહી રહ્યા છે કે ભારત અને ઈંગ્લેન્ડ વચ્ચેની મેચમાં બેન સ્ટોક્સ હારી ચૂક્યો છે અને તે ઓફિશિયલી પાગલ થઈ ચૂક્યો છે. 

I have never seen someone visibly so tired in a cricket game @benstokes38 #INDvsENG

— Atharv Lad (@atharv_lad) March 5, 2021

Stokes needs to chill#INDvsENG

— anuja patil (@anujapatil01) March 5, 2021

ભારતીય ઇનિંગના ૭૮મી ઓવરમાં બની હતી આ ઘટના

આ ઘટના ભારતીય ઇનિંગની 78 મી ઓવરમાં બની છે. ઓવરનો પહેલો બોલ પંતના બેટના બાહરી છોર સાથે ટકરાઇને બાઉન્ડ્રી લાઇનની બહાર પહોં કહી ગયો હતો, આ ઓવરના ત્રીજા બોલ પર પંતે લેગ સાઇડમાં શાર્પ ફોર લગાવી ભારતને ઇંગ્લેન્ડના સ્કોરની બરાબરી પર પહોંચાડી દીધું હતું જેના પછી સ્ટોક્સ તેનું મગજ ગુમાવી બેઠોઅને જ્યારે તે પછીના બોલ માટે આવી રહ્યો હતો, ત્યારે બોલ તેના હાથથી લપસી ગયો અને આ ઘટના બની હતી. 

Stokes has lost it #INDvsENG

— Avi Wag (@avi_wag) March 5, 2021

સ્ટોક્સ અહીં પછી અટક્યો નહીં, તેણે ઓવરનો છેલ્લો બોલ વોશિંગ્ટન સુંદરને બીમર તરીકે નાખ્યો,  જોકે આ પછી તેણે માફી પણ માંગી. સ્ટોક્સનું આ વલણ જોઈને, કોઈ પણ સમજી શકે છે કે તે કેટલો નિરાશ બની ગયો હતો. જો કે મેચ અગાઉ સ્ટોક્સે મેચના પહેલા દિવસે પત્રકાર પરિષદમાં એમ પણ કહ્યું હતું કે તે તેની ટેસ્ટ કારકિર્દીમાં આનાથી વધુ મુશ્કેલ પરિસ્થિતિઓમાં રમ્યો નથી.