IPL 2025 / IPL પહેલાં KKRને તગડો ઝટકો, 'જમ્મુ એક્સપ્રેસ' ઉમરાન મલિક બહાર, આ ગુજરાતી ક્રિકેટરને લેવાયો

KKR, Umran Malik: ઉમરાન મલિક આઇપીએલ 2025માંથી બહાર થઈ ગયો છે. તેના સ્થાને કોલકાતા નાઈટ રાઈડર્સે ડાબોડી ફાસ્ટ બોલર ચેતન સાકરિયાને ટીમમાં સામેલ કર્યો છે. આઇપીએલ 2025 ની શરૂઆત પહેલા કોલકાતા નાઈટ રાઈડર્સને મોટો ઝટકો લાગ્યો છે. સ્પીડ સ્ટાર ઉમરાન મલિક ઈજાના કારણે ટુર્નામેન્ટમાંથી બહાર થઈ ગયો છે. તેના સ્થાને કેકેઆરએ લેફ્ટ આર્મ ઝડપી બોલર ચેતન સાકરિયાને ટીમમાં સામેલ કર્યો છે.

View this post on Instagram

A post shared by Kolkata Knight Riders (@kkriders)

કોલકાતા નાઈટ રાઈડર્સે ઈન્ડિયન પ્રીમિયર લીગ એટલે કે IPL 2025 ની 18મી સીઝન માટે ઉમરાન મલિકના સ્થાને ચેતન સાકરિયાની પસંદગી કરી છે. ઉમરાન મલિક ઈજાને કારણે આખી સીઝનમાંથી બહાર છે. કેકેઆરએ પોતે આ માહિતી આપી છે.

ચેતન સાકરિયા ભારત માટે આંતરરાષ્ટ્રીય ક્રિકેટ રમી ચૂક્યો છે. સાકરિયાએ એક વનડે અને બે T20 આંતરરાષ્ટ્રીય મેચોમાં ભારતનું પ્રતિનિધિત્વ કર્યું છે. તેણે 19 આઇપીએલ મેચ પણ રમી છે, જેમાં તેણે 20 વિકેટ લીધી છે. ડાબોડી ફાસ્ટ બોલર ચેતન સાકરિયાને 75 લાખ રૂપિયામાં ટીમમાં સામેલ કરવામાં આવ્યો છે.

તમને જણાવી દઈએ કે ચેતન સાકરિયા ભલે ભારત માટે આંતરરાષ્ટ્રીય ક્રિકેટ રમી ચૂક્યા હોય, પરંતુ તેમને આઇપીએલ 2025 માં કોઈ ખરીદનાર મળ્યો ન હતો. આ પછી સાકરિયા કોલકાતા નાઈટ રાઈડર્સ ટીમમાં નેટ બોલર તરીકે જોડાયો. હવે કેકેઆરએ તેને ઉમરાન મલિકના સ્થાને ટીમમાં સામેલ કર્યો છે.

કેકેઆર આઇપીએલ 2025 ની પહેલી મેચ રમશે

આઇપીએલ 2025ની શરૂઆત 22 માર્ચથી થવાની છે. 18મી સીઝનની પહેલી મેચ કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચે રમાશે. KKR 22 માર્ચે RCB સામે ટકરાશે. આ મેચ કેકેઆરના હોમ ગ્રાઉન્ડ ઇડન ગાર્ડન્સ ખાતે રમાશે. આ સિઝનમાં કેકેઆરની કમાન અજિંક્ય રહાણેને સોંપવામાં આવી છે. આ વખતે કોલકાતા નાઈટ રાઈડર્સ ટીમમાં કેટલાક નવા ખેલાડીઓ આવ્યા છે.

આ પણ વાંચોઃ IPL 2025 / VIDEO: ચેન્નાઈ સુપર કિંગ્સનું નામ સાંભળીને રોહિત શર્માને આવ્યો ગુસ્સો, હાથથી દબાવી

કોલકાતા નાઈટ રાઈડર્સની સંભવિત પ્લેઈંગ ઈલેવન - ક્વિન્ટન ડીકોક (વિકેટકીપર), અજિંક્ય રહાણે, વેંકટેશ ઐયર, અંગકૃષ રઘુવંશી, રિંકુ સિંહ, રમનદીપ સિંહ, આન્દ્રે રસેલ, સુનીલ નારાયણ, હર્ષિત રાણા, એનરિચ નોર્ટજે/સ્પેન્સર જોહ્ન્સન અને વરુણ ચક્રવર્તી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ