સ્પોર્ટ્સ / ભારત - ઇંગ્લેન્ડને પછાડી નેધરલેન્ડ્સે વનડે ક્રિકેટમાં રચ્યો ઇતિહાસ, પહેલીવાર કર્યો આ કારનામો

નેધરલેન્ડ્સે ODI ક્રિકેટના ઇતિહાસમાં એક રેકોર્ડ બનાવ્યો છે. એક જ ઝટકામાં નેધરલેન્ડ્સે ભારત અને ઈંગ્લેન્ડ જેવી મોટી ટીમોને પાછળ છોડી દીધી છે.  નેધરલેન્ડ્સનો સામનો ICC ક્રિકેટ વર્લ્ડ કપ લીગ માટે સ્કોટલેન્ડ સામે થયો હતો. આ રોમાંચક મેચમાં બેટ્સમેનોએ પોતાનો જલવો બતાવ્યો હતો. આ મેચમાં બંને ટીમોએ મળીને 743 રન બનાવ્યા, પરંતુ અંતે નેધરલેન્ડ્સ જીતી ગયું હતું. નેધરલેન્ડ્સની આ ઐતિહાસિક જીતમાં મેક્સ ઓ'ડોઉડે મહત્વપૂર્ણ ભૂમિકા ભજવી હતી.

• ODI ક્રિકેટમાં પહેલી વાર ચેજ કર્યો 300+ નો સ્કોર
  આ મેચમાં પ્રથમ બેટિંગ કરતા સ્કોટલેન્ડે 50 ઓવરમાં 6 વિકેટે 369 રન બનાવ્યા હતા. સ્કોટલેન્ડ તરફથી બેટિંગ કરતા જ્યોર્જ મુન્સીએ 150 બોલમાં 191 રનનો હાઈએસ્ટ સ્કોર બનાવ્યો હતો. જેમાં 14 ચોગ્ગા અને 11 છગ્ગાનો સમાવેશ થતો હતો. આ સિવાય મેથ્યુ ક્રોસે 59 રન બનાવ્યા હતા.
  

બીજી ઇનિંગમાં નેધરલેન્ડ્સે 49.2 ઓવરમાં 6 વિકેટ ગુમાવીને આ મોટો ટાર્ગેટ હાંસલ કર્યો હતો. ODI ક્રિકેટના ઇતિહાસમાં પહેલીવાર નેધરલેન્ડ્સે 300 થી વધુના ટાર્ગેટનો પીછો કર્યો છે. નેધરલેન્ડ્સ તરફથી બેટિંગ કરતા મેક્સ ઓ'ડોઉડે 130 બોલમાં 158 રન બનાવ્યા હતા. તેજાએ 42 બોલમાં 51 રન અને નુહ ક્રોઝે 50 રન બનાવ્યા હતા.

વધુ વાંચો : WTC ફાઇનલમાં પેટ કમિન્સનો ઐતિહાસિક સ્પેલ, બુમરાહનો રેકોર્ડ પણ તૂટ્યો

• ભારત અને ઇંગ્લેન્ડને પછાડ્યું
  સ્કોટલેન્ડ સામે 370 રનના ટાર્ગેટનો પીછો કરીને નેધરલેન્ડ્સે ટીમ અને ઇંગ્લેન્ડને પણ  પછાડ્યું છે. ટીમ ઈન્ડિયાએ વર્ષ 2013માં ઓસ્ટ્રેલિયા સામે 360 રનનો ટાર્ગેટ ચેજ કર્યો હતો, જ્યારે ઇંગ્લેન્ડે વર્ષ 2019માં વેસ્ટ ઈન્ડિઝ સામે 361 રનનો ટાર્ગેટ ચેજ  કર્યો હતો. નેધરલેન્ડની ટીમે ODI ઇતિહાસમાં ત્રીજા ક્રમનો સૌથી મોટા ટાર્ગેટને ચેજ કર્યો છે. અત્યાર સુધી દક્ષિણ આફ્રિકા આ ​​યાદીમાં ટોચ પર છે, જેને 2006 માં ઓસ્ટ્રેલિયા સામે 435 રનનો ટાર્ગેટ ચેજ કર્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ