આઇપીએલ / Video: ધોનીએ રચ્યો ઇતિહાસ, IPLમાં આ રેકોર્ડ કરનાર બન્યો પહેલો ભારતીય

ઇન્ડિયન ટી20 લીગમાં મહેન્દ્ર સિંહ ધોનાની નેતૃત્વ વાળી ચેન્નાઇને વિરાટ કોહલીની બેંગ્લોરે એક રનથી માત આપી છે. ચેન્નાઇ આ મેચ હારી ગઇ પરંતુ કેપ્ટન માહીએ પોતાના પ્રદર્શનથી એક વખત ફરીથી પ્રશંસકોનું દિલ જીતવામાં સફળ રહ્યો. 

ધોનીએ આ મેચમાં 48 બોલમાં 5 ચોગ્ગા અને 7 છગ્ગાની મદદથી 84 રનની જોરદાર ઇનિંન્ગ રમી. આટલું જ નહીં, ધોનીએ ઇન્ડિયન ટી 20 લીગની આ સીઝનમાં સૌથી લાંબો છગ્ગો માર્યો. 

બેંગ્લોર તરફથી ઇનિંન્ગની છેલ્લી ઓવર રમવા આવેલ ઉમેદ યાદવના બીજા બોલ પર ધોનીએ મિડ વિકેટથી ઉપરથી એટલા લાંબો છગ્ગો માર્યો કે પ્રશંસકોની સાથે સાથે મેદાન પર હાજર ખેલાડીઓના પણ હોશ ઊડી ગયા. 

ઇન્ડિયન ટી-20 લીગની હાલની સીઝનની અત્યાર સુધીનો સૌથી લાંબો છગ્ગો છે. જણાવી દઇએ કે પાર્થિવ પટેલની શાનદાર હાફ સેન્ચ્યુરી ઇનિંન્ગથી બેંગ્લોરે રવિવારે ઇન્ડિયન ટી20 લીગની 39મી સ્પર્ધામાં ચેન્નાઇને 1 રનથી હરાવીને રોમાંચક જીત દાખલ કરી. 

T 10- What an elephantine six by Dhoni!
Ball out of the M.Chinnaswamy Stadium.@msdhoni #CSKvRCB pic.twitter.com/2tJY5wBiH8

— Anand Parmar (@ianandparmar) April 21, 2019

ટૉસ હારીને પહેલી બેટિંગ કરતા બેંગ્લોરે 20 ઓવરમાં 7 વિકેટના નુકસાન પર 161 રન બનાવ્યા. જવાબમાં ચેન્નાઇ 8 વિકેટ ગુમાવીને 160 રન જ બનાવી શકી અને જીતેલી મેચ હારી ગઇ.