ઓસ્ટ્રેલિયાના પૂર્વ લેગ સ્પીનર શૅન વોર્ન ક્રિકેટની દુનિયાના બીજા સૌથી સફળ બોલર ગણવામાં આવી રહ્યા છે. વોર્ન પર એક વર્ષ સુધી ડ્રાઈવિંગ ન કરવા માટે પ્રતિબંધ લગાવાયો છે. સૂત્રોના આધારે વોર્ન પર આ પ્રતિબંધ 2 વર્ષમાં 6 વાર ગતિ ઉલ્લંધન કર્યા બાદ લગાવવામાં આવ્યો છે. તેઓએ પોતાની ભૂલનો સ્વીકાર પણ કર્યો છે.
શૅન વોર્ન પર એક વર્ષ માટે લાગ્યો ડ્રાઈવિંગનો પ્રતિબંધ
ઓવર સ્પીડમાં કાર ડ્રાઈવ કરવા માટે લગાવવવામાં આવ્યો પ્રતિબંધ
શૅન વોર્ને 2 વર્ષમાં કરી છઠ્ઠી વખત કરી આ ભૂલ
શૅન વોર્ન ટેસ્ટ ક્રિકેટમાં દુનિયા બીજા સૌથી સફળ બોલર છે.
સ્પીડ ઉલ્લંઘન અને કોર્ટમાં હાજર ન રહેવા માટે થયો હતો દંડ
વોર્ને માન્યું કે તેઓએ ગયા વર્ષે લંડનમાં જેગુઆર કાર 64 કિમી/કલાકની ઝડપે ચલાવીને સ્પીડનું ઉલ્લંઘન કર્યું હતું. તેઓ વેસ્ટ લંડનમાં રહેતા હતા. 50 વર્ષના વોર્ન 23 ઓગસ્ટ 2018ની સુનાવણી સમયે કોર્ટમાં હાજર રહ્યા નહીં. વોર્નને આ માટે 3000 અમેરિકી ડોલર કોર્ટમાં જમા કરાવવાનો આદેશ આપવામાં આવ્યો હતો.
ડિસ્ટ્રિક જજ ટર્નરે કહ્યું કે વોર્ન એપ્રિલ 2016થી લઈને ઓગસ્ટ 2018 સુધી 6 વખત ટ્રાફિકના સ્પીડના નિયમોનું ઉલ્લંઘન કરી ચૂક્યા છે. તેના કારણે તેમની પર 1 વર્ષનો પ્રતિબંધ લગાવવો જરૂરી છે.
બોલ ઓફ ધ સેન્ચ્યૂરીએ બદલી વોર્નની જિંદગી
શૅન વોર્ને 4 જૂન 1993ની એશેઝ સીરિઝના સમયે એક એવો જાદુઈ બોલ ફેંક્યો કે જેનાથી આખી દુનિયા હેરાન થઈ ગઈ. વોર્નના આ બોલને બોલ ઓફ ધ સેન્ચ્યુરીનો દરજ્જો આપવામાં આવ્યો હતો.
આવી રહી છે વોર્નની કરિયર
વોર્ન ટેસ્ટ ક્રિકેટમાં સૌથી વધારે ક્રિકેટ મેળવનારા દુનિયાના બીજા બોલર છે. તેઓએ 145 ટેસ્ટ મેચ રમીને 708 વિકેટ મેળવી હતી. જેમાં 37 વખત 5થી વઘુ વિકેટ લીધી. 10 મેચમાં 10થી વધારે વિકેટનો રેકોર્ડ તેમના નામે સામેલ છે. તેનાથી અંદાજ આવી શકે છે કે તેમની બોલિંગ કેટલી ખતરનાક રહી હશે. તેઓએ 194 વનડે મેચમાં 293 વિકેટ લીઘી છે.