ઈન્ડિયન પ્રીમિયર લીગ 2021 સિઝન યુએઈમાં ફરીથી શરૂ થવાની છે. પરંતુ તેની સાથે 2022 સિઝનની તૈયારી પૂરજોશમાં ચાલી રહી છે. ભારતીય ક્રિકેટ કંટ્રોલ બોર્ડના ખજાનચી અરૂણ ધૂમલના જણાવ્યાં મુજબ, આગામી સિઝનમાં લીગમાં વધુ બે ફ્રેન્ચાઈઝીઓને જોડવાનું કામ ચાલી રહ્યું છે.
IPL 2022 સિઝનની તૈયારીઓ પૂરજોશમાં
આગામી સિઝનમાં લીગમાં વધુ 2 ફ્રેન્ચાઈઝીઓને જોડાશે
IPL 2022માં 10 ટીમો જરૂર થશે સામેલ
સંયુક્ત આરબ અમીરાતમાં એક રોમાંચક ટુર્નામેન્ટ થશે
બીસીસીઆઈને 2021 સિઝન પહેલાં તબક્કામાં વધુ બે ટીમો જોડવાની આશા હતી, પરંતુ કોવિડ-19 મહામારીના સંક્રમણથી આ કાર્ય મુશ્કેલ બની ગયુ હતું. અરૂણ ધૂમલે એક ઈન્ટરવ્યૂમાં કહ્યું, હવે દરેક લોકો આઈપીએલને જોઈ રહ્યાં છે. અમને વિશ્વાસ છે કે હવે સંયુક્ત આરબ અમીરાતમાં એક રોમાંચક ટુર્નામેન્ટ થશે. આઠ ટીમોની સાથે આ આઈપીએલની અંતિમ સિઝન હશે. હવે 10 ટીમો હશે. જેના પર કામ ગતિવિધિમાં છે.
BCCI ભારતમાં IPL સિઝનના આયોજન માટે આશાવાદી
આઈપીએલ ટી-20 ટુર્નામેન્ટમાં ધૂમ મચાવનારા નવા શહેરોમાં પુણે, લખનઉ અને અમદાવાદ મહત્વના દાવેદારો છે. કાનપુર, ગુવાહાટી, ઈન્દોર, કોચ્ચિ, રાયપુર અને ત્રિવેન્દ્રમને નવા સ્થાનો માટે અન્ય દાવેદારોમાંથી હોઈ શકે છે. ટી-20 સિઝનની અંદર કોવિડ-19ના પ્રકોપને કારણે સિઝન વચ્ચેથી મોકૂફ કર્યા બાદ બીસીસીઆઈ આવતા વર્ષે ભારતમાં સંપૂર્ણ આઈપીએલ સિઝનના આયોજન માટે આશાવાદી છે. યુએઈમાં વધારે ખર્ચને કારણે બોર્ડની સાથે-સાથે ફ્રેન્ચાઈઝીને પણ પોતાનો ફાયદોમાં ઘટાડો કરવો પડી શકે છે.