VIDEO / હજુ મેં મારુ બેસ્ટ બતાવ્યું જ નથી, 3 વર્ષમાં...: વિરાટ કોહલીએ પ્રતિજ્ઞા સાથે ભરી હુંકાર, VIDEO વાયરલ

• ભારતીય ટીમના વન-ડે કેપ્ટન વિરાટ કોહલીએ પ્રતિજ્ઞા સાથે ભર્યો હુંકાર
• IPLની આગામી ત્રણ સિઝન સુધી RCB સાથે રહેવા સિવાય કોઈ વિચાર નથી
• છેલ્લાં કેટલાંક વર્ષોમાં આ એક અદભૂત યાત્રા રહી છે 

હજી ત્રણ સિઝન RCB સાથે

ફ્રેન્ચાઈઝીએ વિરાટ કોહલીને 15 કરોડ, ગ્લેન મૈક્સવેલને 11 કરોડ રૂપિયા અને મોહમ્મદ સિરાજને 7 કરોડ રૂપિયામાં રિટેન કર્યો છે. આરસીબી દ્વારા રિટેન કરાયા બાદ વિરાટ કોહલીએ ફ્રેન્ચાઈઝીના યુ-ટ્યુબ ચેનલ પરના એક વીડિયોમાં કહ્યું, સફર યથાવત છે.  મને આરસીબીએ રિટેન કર્યો છે. જ્યારે મારી સાથે સંપર્ક કરવામાં આવ્યો તો કોઈ બીજો વિચાર આવ્યો નહીં. છેલ્લાં કેટલાંક વર્ષોમાં આ એક અદભૂત યાત્રા રહી છે. ફ્રેન્ચાઈઝીની સાથે વધુ ત્રણ વર્ષ મારા માટે મહત્વ ધરાવે છે અને મને આ વાતનો વિશેષ અહેસાસ છે કે આગામી સિઝનમાં શું થવાનુ છે.

દિલ અને આત્માથી RCBની સાથે

તેમણે વધુમાં કહ્યું, મારા પ્રશંસક આધાર અદભૂત છે. મેનેજમેન્ટ મારા અને અન્ય બધા ખેલાડીઓની સાથે અદભૂત રહ્યું છે. નવી ઉર્જા અને મેદાન પર મારું એક અલગ રૂપ. પરંતુ હું રોયલ ચેલેન્જર્સ બેંગ્લોર માટે પોતાના દિલ અને આત્માની સાથે રહીશ. આઈપીએલ 2021 સિઝનના યુએઈ તબક્કા પહેલાં વિરાટ કોહલીએ જાહેરાત કરી હતી કે તેઓ 2022થી આરસીબીની કેપ્ટનશિપ નહીં કરે. વિરાટે કેપ્ટનશિપ છોડવાનું કારણ વર્કલોડ જણાવ્યું હતુ.

“The amazing journey at RCB continues. 3 more years with this franchise that means so much to me. I believe the best is yet to come.” - @imVkohli

We and the RCB fans love you too, King Kohli. ❤️#PlayBold #WeAreChallengers #IPLRetention pic.twitter.com/63rkMcPcCO

— Royal Challengers Bangalore (@RCBTweets) December 1, 2021

વિરાટના પગારમાં થયો ઘટાડો

મહત્વનું છે કે વિરાટ કોહલીને 15 કરોડ રૂપિયાના કરાર પર રાખવામાં આવ્યો છે. જે છેલ્લાં ત્રણ વર્ષોમાં તેમની કમાણીથી 2 કરોડ રૂપિયા ઓછા છે. કોહલીએ વધુ પૈસા કમાવાની સાથે હરાજીમાં પ્રવેશ કરવા માટે ફ્રેન્ચાઈઝીની જરૂરીયાતોને પૂરી કરવા માટે પગારમાં ઘટાડો કર્યો છે. આરસીબી પાસે યુઝવેન્દ્ર ચહલને જાળવવાની આશા હતી. પરંતુ આવુ થયુ નહીં.  આરસીબીના 90 કરોડના પર્સમાંથી ફક્ત 33 કરોડ કાપવામાં આવ્યાં છે. જેનો અર્થ છે કે તેઓ પોતાની કીટીમાં 57 કરોડ રૂપિયાની સાથે હરાજીમાં પ્રવેશ કરશે.