IPL 2020ની શરૂઆત 19 સપ્ટેમ્બર એટલે કે આવતીકાલથી થશે. આ ટૂર્નામેન્ટ ભારતમાં દર વર્ષે એપ્રિલ મે મહિનામાં રમાય છે. પરંતુ કોરોનાના કારણે આ વર્ષે ટૂર્નામેન્ટમાં આ વર્ષે કોઈ મોટા બદલાવ આવી શકે છે. કોરોનાના કારણે આ વર્ષે IPL 2020 કેન્સલ થાય તેવી શક્યતા હતી પરંતુ આઈપીએલ ગર્વનિંગ કાઉન્સિલે મુસબીતો બાદ તેને લીલી ઝંડી આપી છે. આ સાથે જ કેટલાક નવા નિયમો બનાવ્યા છે જેને જાણવા જરૂરી છે.
આવતીકાલથી યોજાશે IPL 2020
આ નવા નિયમો સાથે શરૂ થશે IPL 2020
આ વર્ષે ટૂર્નામેન્ટમાં આ વર્ષે કોઈ મોટા બદલાવ
આ નિયમો સાથે રમાશે IPL 2020
લાળનો ઉપયોગ નહીં
સામાન્ય રીતે ક્રિકેટમાં બોલને સ્વિંગ કરવા માટે લાળનો ઉપયોગ કરાય છે. પરંતુ કોરોના વાયરસના કારણે આ વખતે ખેલાડીઓને તેની પરમિશન મળશે નહીં. આઈસીસીએ કોરોનાના કારણે બોલને ચમકાવવા લાળના ઉપયોગ પર બેન લગાવ્યો છે. ટીમને બે વખત ચેતવણી અપાશે અને ત્રીજી વાર પેનલ્ટી માટે વિપક્ષની ટીમમાં 5 રન વધારાના અપાશે. સાથે ટોસ બાદ બંને ટીમના કેપ્ટન એકમેકથી હાથ પણ મિલાવી શકશે નહીં.
અનલિમિટેડ કોરોના સબ્સ્ટીટ્યૂટ
કોરોના સંક્રમણના કારણે આ વખતે અનલિમિટેડ કોરોના સબ્સ્ટીટ્યૂટની વ્યવસ્થા કરાઈ છે. એટલે કે ટૂર્નામેન્ટમાં કોઈ ખેલાડીને કોરોના હશે તો તેની જગ્યાએ અન્ય ખેલાડીને સામેલ કરી શકાશે. નિયમ અનુસાર બેટ્સમેનને બેટ્સમેન અને બોલરને બોલર જ રિપ્લેસ કરી શકે છે.
થર્ડ એમ્પાયર નો બોલ
પહેલી વાર આઈપીએલમાં થર્ડ એમ્પાયરમાં નો બોલનો નિયમ લાવવામાં આવી રહ્યો છે. હવે મેચમાં બોલરના ફ્રંટ ફૂટની નો બોલ ફીલ્ડ અમ્પાયરની જગ્યા થર્ડ અમ્પાયરને મળશે. ગયા વર્ષે ભારત વેસ્ટઈન્ડિઝ વનડે સિરીઝમાં આ નિયમનું ટ્રાયલ થયું હતું.
53 દિવસની હશે ટૂર્નામેન્ટ
આ વખતે કોરોનાના કારણે આઈપીએલ 53 દિવસની રમાશે. એટલે કે છેલ્લી 2 સીઝનની સરખામણીએ 3 દિવસ વધારે ચાલશે.
ડબલ હેડર
આ વખતે 10 દિવસ ડબલ હેડર રખાશે એટલે કે 10 દિવસ એક દિવસમાં 2 મેચ હશે.
મેચ ટાઈમ
આ સમયે મેચ શરૂ થવાના સમયમાં પણ ફેરફાર આવ્યો છે. આ વખતે અડધો કલાક પહેલાં એટલે કે સાંજે 7.30ના સમયે મેચ શરૂ થશે. જે દિવસે 2 મેચ રમાશે એ દિવસે પહેલી મેચ સાડા 3 વાગે શરૂ થશે. પહેલાં મેચ રાતે 8 વાગે અને 4 વાગે શરૂ થતી હતી.