IND vs AUS / બીજી વન-ડેમાં ઓસ્ટ્રેલિયાને હરાવી ટીમ ઈન્ડિયાએ પ્રથમ વખત ખંઢેરીમાં મેળવી જીત

• ભારતનો રાજકોટમાં ભવ્ય વિજય
• ઓસ્ટ્રેલિયાને ભારતે 36 રને હરાવ્યું
• ટીમ ઈન્ડિયાએ પ્રથમ વખત ખંઢેરીમાં જીત મેળવી

ટૉસ હારીને પ્રથમ બેટિંગ કરવા ઉતરેલી ટીમ ઇન્ડિયાએ 50 ઓવરમાં 6 વિકેટ ગુમાવી 340 રન બનાવી અને ઓસ્ટ્રેલિયાને જીતવા માટે 341 રનનો લક્ષ્યાંક આપ્યો હતો. જેના જવાબમાં ઓસ્ટ્રેલિયાએ 49.1 ઓવરમાં 304 રન પર ઓલઆઉટ થઇ ગઇ. ભારતીય બોલર્સે આજે રાજકોટના મેદાન પર ખુબ સારું પ્રદર્શન કર્યું છે. ત્રણ મેચોની આ વનડે સીરીઝમાં ભારતે 1-1ની બરાબરી કરી લીધી છે. સીરીઝનો અંતિમ અને મહત્વનો મુકાબલો 19 જાન્યુઆરીએ બેંગલુરૂમાં રમાશે.

ઉલ્લેખનીય છે કે ભારત ક્યારેય ખંડેરિમાં મેચ જીત્યું ન હતું. ​આ મેદાન પર ત્રણ વનડેમાં ટીમ ઇન્ડિયાની આ પ્રથમ જીત છે. આ પહેલા 2013માં ઇંગ્લેન્ડ અને 2015માં દક્ષિણ આફ્રીકાને હરાવ્યું હતું. ત્યારે આજે બીજી વન-ડેમાં ઓસ્ટ્રેલિયાને હરાવી ટીમ ઈન્ડિયાએ પ્રથમ વખત ખંઢેરીમાં જીત મેળવી છે.

ભારતે આપ્યો હતો 341 રનનો લક્ષ્યાંક

પ્રથમ બેટિંગ કરવા ઉતરેલી ટીમ ઇન્ડિયાએ 50 ઓવરમાં 6 વિકેટ ગુમાવીને 340 રન બનાવ્યા અને ઓસ્ટ્રેલિયાની જીત માટે 341 રનનો લક્ષ્યાંક આપ્યો. ભારતીય ટીમ માટે શિખર ધવને સૌથી વધુ 96 રન બનાવ્યા જ્યારે કેએલ રાહુલે 80 રનની ઇનિંગ રમી. કેપ્ટન વિરાટ કોહલીએ 78 રન બનાવ્યા. ઓસ્ટ્રેલિયા તરફથી એડમ જામ્પાએ સૌથી વધુ 3 વિકેટ લીધી જ્યારે કેન રિચર્ડસને 2 વિકેટ લીધી.

રોહિત શર્મા અને શિખર ધવનની જોડીએ ધમાકેદાર શરૂઆત કરી હતી. બન્નેએ પ્રથમ વિકેટ માટે 81 રનોની ભાગીદારી કરી. 14મી ઓવરમાં ઓસ્ટ્રેલિયન બોલર એડમ જામ્પાએ ભારતને પ્રથમ ઝટકો આપ્યો હતો. એડમ જામ્પાએ રોહિત શર્માને એલબીડબલ્યૂ આઉટ કરી દીધા. રોહિત શર્મા 42 રન બનાવીને આઉટ થયા.

શિખર ધવનના રૂપમાં ભારતને બીજો ઝટકો લાગ્યો. ધવન પોતાની સદી માટે માત્ર 4 રનથી ચૂકી ગયા. ધવન 96 રન પર આઉટ થયા. ધવનને કેન રિચર્ડસને મિશેલ સ્ટાર્કના હાથે કેચ આઉટ કરી દીધો. ઓસ્ટ્રેલિયા વિરૂદ્ધ આ વનડે સીરીઝમાં શિખર ધવને સતત બીજી વખત અડધી સદી ફટકારી. આ ધવનના વનડે કરિયરની 29મી અડધી સદી છે. ધવને પોતાની અડધી સદી 60 બોલમાં પૂરી કરી હતી.

નોંધનીય છે કે રોહિત શર્મા આજે ખુબ મોટા રેકોર્ડથી માત્ર 4 રનથી દૂર રહી ગયા. જો આજે રોહિત શર્માએ 46 રન કર્યા હોત તો વિશ્વમાં સૌથી ઝડપથી 9000 રન પૂરાં કરનાર ત્રીજા ખેલાડી બની ગયા હોત. આ યાદીમાં વિરાટ કોહલી નંબર વન પર છે.