આંતરરાષ્ટ્રીય ક્રિકેટ પરિષદે આજે ટી 20 ઈંટરનેશનલ ટીમોનું વાર્ષિંક રેંક જાહેર કર્યું છે. ICC દ્વારા જાહેર કરવામા આવેલા તાજેતરના રેંકીંગમાં ભારતીય ટીમ ટી 20ના ટોચના સ્થાન પર પહોંચી ગઈ છે.
ICCના ટોપ ટેન રેંકીંગમાં ભારત નંબર 1
ટોપ ટેન દેશોની યાદી આ રહી
રોહિત શર્માની મહેનત રંગ લાવી
આંતરરાષ્ટ્રીય ક્રિકેટ પરિષદે આજે ટી 20 ઈંટરનેશનલ ટીમોનું વાર્ષિંક રેંક જાહેર કર્યું છે. ICC દ્વારા જાહેર કરવામા આવેલા તાજેતરના રેંકીંગમાં ભારતીય ટીમ ટી 20ના ટોચના સ્થાન પર પહોંચી ગઈ છે. રોહિત શર્માની કેપ્ટન બન્યા બાદ ટીમ ઈંડિયાએ ટી 20 આંતરરાષ્ટ્રીય મેચમાં શાનદાર પ્રદર્શન કર્યું છે. આ અ ગાઉ ગત વર્ષે સંયુક્ત આરબ અમીરાતમાં રમાયેલી ટી 20 વિશ્વ કપમાં ભારતનું પ્રદર્શન અત્યંત નિરાશાજનક રહ્યું હતું. ટી 20 વર્લ્ડ કપમાં ભારતીય ટીમ પહેલા રાઉન્ડમાં જ બહાર થઈ ગઈ હતી. પણ રોહિત શર્માએ કમાન સંભાળ્યા બાદ ભારતીય ટીમે ટી 20 મેચોમાં શાનદાર પ્રદર્શન કર્યું હતું. જે બાદ ટીમ ઈંડિયા ફરી એક વાર ક્રિકેટના સૌથી નાના ફોર્મેટમાં ટોચનું સ્થાન મેળવવામાં સફળ રહી છે.
ટોપ ટેન દેશોનું રેકીંગ
આઈસીસી દ્વારા પુરુષ ટીમો માટે જાહેર કરેલું તાજેતરના રેંકીંગ પર નજર નાખીએ તો, ભારતીય ટીમ 270 રેટીંગ સાથે પ્રથમ સ્થાન પર છે. ઈંગ્લેન્ડના 265 અંક છે તે હવે બીજા નંબર પર છે. ત્યાર બાદ પાકિસ્તાન 261 અંક સાથએ ત્રીજા સ્થાને 253 અંક સાથે સાઉથ આફ્રિકા ચોથા સ્થાને, 251 પોઈન્ટ સાથએ ઓસ્ટ્રેલિયા પાંચમા સ્થાનની સાથે સાથે ન્યૂઝીલેન્ડ છઠ્ઠા સ્થાને તથા 240 અંક સાથે વેસ્ટઈંડીઝ સાતમા સ્થાને અને 233 અંક સાથે બાંગ્લાદેશ આઠમા સ્થાને, 230 અંક સાથે શ્રીલંકા નવમાં સ્થાને અને 226 અંક સાથે અફઘાનિસ્તાન 10માં નંબરે છે.
રોહિત શર્માનું શાનદાર પ્રદર્શન
રોહિત શર્મા કેપ્ટન બન્યા બાદ ભારતીય ટીમે ટી 20 આંતરરાષ્ટ્રીય ક્રિકેટમાં શાનદાર પ્રદર્શન કર્યું છે. ટી 20 વિશ્વ કપ બાદ ભારતે ન્યૂઝીલેન્ડ વિરુદ્ધ 3 ટી 20 મેચની સિરીઝ રમી હતી, જેમાં 3-0થી જીતી હતી. જે બાદ ભારતે વેસ્ટ ઈંડીઝ વિરુદ્ધ 3 ટી 20 મેચની સિરીઝ રમી હતી, જેમાં પણ 3-0થી સીરિઝી જીતી લીધી હતી. ભારતીય ક્રિકેટ ટીમે અંતિમ વાર શ્રીલંકા વિરુદ્ધ ટી 20 સિરીઝ રમી હતી. 3 મેચોની આ સિરીઝમાં ભારતે શ્રીલંકાને 3-0થી હરાવ્યું હતું. આવી રીતે ભારત છેલ્લા 3 ટી 20 સિરીઝમાં વિપક્ષી ટીમોનું વ્હાઈટવોશ કરી ચુકી છે. રોહિત શર્માની કપ્તાની હેઠળ ટીમ ઈંડિયા અત્યાર સુધઈમાં સતત 9 ટી 20 આંતરરાષ્ટ્રીય મેચ જીતી ચુકી છે.