WC 2019 / Video: 'કિંગ કોહલી' ની સામે હાથ જોડવા મજબૂર થયો આ પાકિસ્તાનનો ખેલાડી

ભારત અને પાકિસ્તાનની ટીમ જ્યારે આમને સામને હોય છે, ત્યારે મેચમાં એક-એક ક્ષણ પર નજર ટકેલી જ રહે છે. એવામાં મેચ દરમિયાન કોઇ પણ ઘટના છુપાતી નથી. વર્લ્ડકપ 2019માં બંને દેશોની વચ્ચે રમાયેલી મેચ પણ એનાથી અલગ નહતી. આ મેચ 16 જૂને મેનચેસ્ટરના ઓલ્ડ ટ્રેફર્ડ મેદાનમાં રમવામાં આવી હતી. 

ભારત-પાકિસ્તાન મેચમાં કેમેરાની નજર ખૂબ જ ચાલાક રહી, એ ભલે પાકિસ્તાની કેપ્ટન સરફરાઝ અહમદ બગાસા ખાતો હોય અથવા પાકિસ્તાનનો ફાસ્ટ બોલર મોહમ્મદ આમિરને પોતાના સાથી ખેલાડીઓ સાથે બબાલનો વીડિયો વાયરલ થવો, આ લાઇનમાં હવે પાકિસ્તાનનો ઑલરાઉન્ડર ઇમાદ વસીમનું પણ નામ જોડાઇ ગયું છે. 

વાસ્તવમાં આ ઘટના ત્યારની છે જ્યારે પહેલા બેટિંગ કરવા ઊતરેલી ટીમ ઇન્ડિયાની તરફથી કેપ્ટન વિરાટ કોહલી મેદાનમાં હતો. એની બેટિંગ દરમિયાન પાકિસ્તાનનો બોલર ઇમાદ વસીમ આવ્યો. વસીમે કોહલીને બોલિંગ કરી અને ભારતીય કેપ્ટન શૉટ મારીને રન લેવા માટે દોડી પડ્યો. રન લેવા દરમિયાન જ્યારે વિરાટ અડધી ક્રિઝ પર પહોંચ્યો તો બોલર ઇમાદ વસીમ એને હાથ જોડતો જોવા મળ્યો. જો કે એનું કારણ સ્પષ્ટ થઇ શક્યું નથી. પરંતુ વીડિયોથી એવું લાગી રહ્યું છે કે જેમ કે ઇમાદ વિરાટને કહી રહ્યો હોય કે બસ હવે વધારે નહીં, અમને છોડી મૂકો. વિરાટે આ મેચમાં 65 બોલમાં 77 રન કર્યા. 

बेटा ने बाप से request की और बाप ने बेटे का मान रखा@ICC@imVkohli@TheRealPCB@BCCI@Atheist_Krishna pic.twitter.com/C62uO4c4um

— Ravindra solanki 🛡️ (@ravisol66901997) June 18, 2019

ભારત વિરુદ્ધ મેચમાં ઇમાદ વસીમે સમગ્ર દસ ઓવર બોલિંગ કરી અને 49 રન આપ્યા, ઇમાદ કોઇ વિકેટ પ્રાપ્ત કરી શક્યો નહીં. એનું બેટ જરૂર ચાલ્યું અને એને 39 બોલ પર નોટઆઉટ 46 રનની ઇનિંન્ગ રમી લીધી.