વિવાદ / 5 બોલ પર 5 છગ્ગા ખાઈને IPLમાં ચર્ચામાં રહેલા ક્રિકેટરે લવ જેહાદ પર કરી પોસ્ટ, લોકોએ સોશિયલ મીડિયામાં ધોઈ નાખ્યો, ચોખ પાડ્યો એકાઉન્ટ હેક

• ક્રિકેટર યશ દયાલ ફરી થયા ટ્રોલ
• લવ જેહાદને લઈને કરી હતી પોસ્ટ
• ક્રિકેટરે પોતાનો એકાઉન્ટ હેક થયાનો કર્યો દાવો

તેજ બોલર યશ દયાલે IPL 2022માં ગુજરાત ટાઈટેન્સને ચેમ્પિયન બનાવવામાં મોટો ફાળો આપ્યો હતો પરંતુ 2023માં તે વધુ ચર્ચામાં આવ્યાં છે. KKRનાં બેટ્સમેન રિંકૂ સિંહે 20મી ઓવરનાં દયાલનાં છેલ્લા 5 બોલમાં 5 છગ્ગા ફટકાર્યા તે બાદ દયાલને ટીમની બહાર કરવામાં આવ્યાં. આ તમામ વચ્ચે દયાલે લવ જેહાદને લઈને કરેલી પોસ્ટનાં લીધે તે વધુ ટ્રોલ થઈ રહ્યાં છે..

પીડિતા સાક્ષીને લઈને કરી હતી પોસ્ટ
થોડા દિવસો પહેલાં દિલ્હીમાં 16 વર્ષની એક બાળકીની હત્યા કરી દેવામાં આવી હતી. આ ઘટનાને લવ જેહાદનો એન્ગલ આપવામાં આવી રહ્યો છે. યશ દયાલે પિડીતા સાક્ષીને લઈને પોસ્ટ કરી હતી. આ પોસ્ટમાં તેમણે લખ્યું બધી તરફ નફરત જ નફરત! - તેમની આ પોસ્ટ બાદ લોકો તેમને ટ્રોલ કરવા લાગ્યાં.

હું બધાનું સમ્માન કરું છું
યશ દયાલે ટ્રોલ થયા બાદ પોતાના એકાઉન્ટથી થયેલ પોસ્ટને લઈને સ્પષ્ટતા કરી કે મારા એકાઉન્ટથી આજે 2 સ્ટોરી પોસ્ટ થઈ છે. આ બંને સ્ટોરી મેં પોસ્ટ કરી નથી. મેં આ ઘટનાને લઈને ઓથોરિટીને ફરિયાદ કરી છે. તેમણે આગળ લખ્યું કે મારા એકાઉન્ટને બીજું કોઈ ચલાવી રહ્યું છે અને તેણે જ વિવાદિત પોસ્ટ કરી છે. હું મારા એકાઉન્ટને ફરીથી શરૂ કરવાનો પ્રયાસ કરી રહ્યો છઉં. હું તમામ કમ્યૂનિટીનું સમ્માન કરું છું.