ક્રિકેટ / BCCIને મળી મોટી ઓફર, આ દેશમાં થઇ શકે છે IPLનું આયોજન! UAEએ PSL રમાડવાનો કર્યો ઇનકાર

ભારત અને પાકિસ્તાન વચ્ચે તણાવની સ્થિતિને લઈ BCCIએ IPL રદ કરી દીધી છે. તો સામે પાકિસ્તાને પણ PSL ને UAE માં ખસેડવાનો નિર્ણય કર્યો હતો. પરંતુ UAE એ સ્પષ્ટપણે પોતાના દેશમાં PSLનું આયોજન કરવાનો ઇનકાર કરી દીધો છે. જેનાથી પાકિસ્તાનને આંતરરાષ્ટ્રીય સ્તરે ખૂબ જ બદનામ થવું પડ્યું છે.

• UAEએ પાકિસ્તાનનું કર્યું અપમાન

ભારતમાં ખેલાડીઓ અને લોકોની સુરક્ષાને ધ્યાનમાં રાખીને ઇન્ડિયન પ્રીમિયર લીગને એક અઠવાડિયા માટે સ્થગિત કરવામાં આવી છે. દિલ્હી-પંજાબ મેચ રદ થયા બાદ BCCI એ આ નિર્ણય લીધો. એક તરફ જ્યાં મુસ્લિમ દેશ UAEએ પાકિસ્તાન માટે PSLનું આયોજન કરવાનો ઇનકાર કર્યો છે ત્યારે બીજી તરફ ભારતને અન્ય દેશો તરફથી IPLનું આયોજન કરવાની ઓફર મળી રહી છે.

• ઇંગ્લેન્ડ તરફથી ભારતને ઓફર

ઇંગ્લેન્ડ પોતાના દેશમાં IPLનું આયોજન કરવા માટે તૈયાર છે. ઈંગ્લેન્ડ અને વેલ્સ ક્રિકેટ બોર્ડ (ECB) એ કહ્યું છે કે જો BCCI તેમની સાથે વાત કરે તો તેઓ IPLનું આયોજન કરવા માટે તૈયાર છે. ECBના ચીફ એક્ઝિક્યુટિવ રિચાર્ડ ગોલ્ડે કહ્યું કે તેઓ IPLનું આયોજન કરીને BCCIને મદદ કરવા માટે તૈયાર છે.

વધુ વાંચો : પહેલા રોહિત શર્મા... હવે વિરાટ કોહલીએ ટેસ્ટ ક્રિકેટને કહ્યું અલવિદા, આવી રહી કારકિર્દી

• BCCI લેશે નિર્ણય
  BCCIએ દેશની પરિસ્થિતિને ધ્યાનમાં રાખીને IPLને એક અઠવાડિયા માટે સ્થગિત કરવાની જાહેરાત કરી હતી. ઇંગ્લેન્ડના પૂર્વ કેપ્ટન માઇકલ વોને BCCIને સૂચન કર્યું છે કે IPL ટુર્નામેન્ટ તેમના દેશમાં પૂર્ણ થવી જોઈએ. ત્યાર બાદ ભારતને ઇંગ્લેન્ડ સાથે પાંચ મેચની ટેસ્ટ સિરીઝ રમવાની હોવાથી ભારતીય ટીમ IPL બાદ ત્યા ટેસ્ટ સિરીઝ રમી શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ