નિર્ણય / ક્રિકેટ રસિકો માટે ખરાબ સમાચાર, ઍશિયા કપ રદ્દ થયો અને હવે IPL...

9 જુલાઇએ એશિયન ક્રિકેટ કાઉન્સિલ (ACC) ની વીડિયો કોન્ફરન્સિંગ દ્વારા મળેલી બેઠકમાં આ નિર્ણય લેવામાં આવ્યો છે. ઉલ્લેખનીય છે કે કે આ વર્ષે એશિયા કપનું હોસ્ટિંગ પાકિસ્તાનના હાથમાં હતું. પરંતુ પાકિસ્તાનના ભારત સાથે સારા સંબંધો નથી જેના કારણે એશિયા કપનું સ્થળ બદલીને UAE કરવામાં આવ્યું હતું. પરંતુ કોરોના વાયરસના વધતા જતા જોખમને ધ્યાનમાં રાખીને એશિયા કપ શ્રીલંકા અથવા UAEમાં યોજવાનું આયોજનની વિચારણ કરવામાં આવી રહી હતી. 

કોરોનાને લઇને લેવાયો નિર્ણય

જો કે હવે કોવિડ -19 ના વધી રહેલા ખતરાને ધ્યાનમાં રાખીને આખરે એશિયા કપ 2020 સ્થગિત કરવાનો નિર્ણય લેવામાં આવ્યો છે. હવે જ્યારે એશિયા કપ રદ કરવામાં આવ્યો છે ત્યારે BCCI આઈપીએલ 2020 કરવાની યોજના પર કામ કરી રહ્યું છે.

ન્યુઝીલેન્ડે પણ BCCIને IPL માટે ઓફર કરી

નોંધપાત્ર વાત એ છે કે, પાકિસ્તાન એશિયા કપનું આયોજન કરવા ઇચ્છતું હતું, પરંતુ BCCI એશિયા કપ યોજવાના પક્ષમાં નહોતું. જો કે એ વાત નક્કી છે કે આ વખતે IPL ભારતની બહાર હોઈ શકે છે. શ્રીલંકા, યુએઈ બાદ હવે ન્યુઝીલેન્ડે પણ BCCIને IPL માટે ઓફર કરી છે.

ઈન્સ્ટાગ્રામ લાઇવ સેશનમાં ગાંગુલીએ 'Sports Takક'ને કહ્યું હતું કે, એશિયા કપ રદ કરવામાં આવ્યો છે, જે સપ્ટેમ્બરમાં યોજાવાનો હતો. ટૂર્નામેન્ટના યજમાન દેશ વિશે કોઈ નિશ્ચિતતા નહોતી. કોવિડ -19 મહામારીને કારણે ઓક્ટોબર-નવેમ્બરમાં ઓસ્ટ્રેલિયામાં ટી -20 વર્લ્ડ કપ પણ હાલની પરિસ્થિતિ જોતા અશક્ય લાગે છે અને એશિયા કપ રદ થવાથી BCCIને આ સમયમાં IPLને પૂર્ણ કરવાનો સમય મળી શકે છે.