આજકાલ સામાન્ય જીવનમાં લોકો ક્રેડીટ કાર્ડનો ઉપયોગ કરતા થઇ ગયા છે ત્યારે તમારે ક્રેડીટ કાર્ડ વાપરતી વખતે ઘણી વસ્તુઓને ધ્યાનમાં રાખવી જોઈએ
ક્રેડિટ કાર્ડમાં ઘણી ઓફર્સ અને ડિસ્કાઉન્ટ મળે છે
બિલ ભરવા માટે 40-45 દિવસનો સમય મળે છે
ઘણા છુપા ચાર્જ તમારે પહેલા જાણી લેવા જોઈએ
આજકાલ લોકો ડિસ્કાઉન્ટ અને ઓફર માટે અલગ અલગ કંપનીના ક્રેડીટ કાર્ડ વાપરતા હોય છે. લોકો અવરનાર ક્રેડિટ કાર્ડનો ખૂબ ઉપયોગ કરે છે. ક્રેડિટ કાર્ડના પણ ઘણા ફાયદા છે. આના દ્વારા, લોકોને ચૂકવણી કરવા માટે કેટલીક ક્રેડિટ મર્યાદા મળે છે. જેની મદદથી અગાઉથી પેમેન્ટ કરી શકાશે. સાથે જ ક્રેડિટ કાર્ડથી બીજા પણ ઘણા ફાયદા મળે છે. ક્રેડિટ કાર્ડના કેટલાક ગેરફાયદા હોવા છતાં તેની અવગણના કરવામાં આવે તો વધારાનો ચાર્જ પણ ચૂકવવો પડી શકે છે. ક્રેડિટ કાર્ડ લીધું છે પરંતુ ત્રણ કામ એવા છે જે ક્યારેય ન કરવા જોઈએ. ક્રેડિટ કાર્ડનો ઉપયોગ કરતી વખતે ક્રેડિટ યુટિલાઇઝેશન રેશિયો, કેશ એક્સટ્રેક્શન અને મિનિમમ પેમેન્ટને ધ્યાનમાં રાખવું જોઇએ.
1. ક્રેડિટ યુટિલાઇઝેશન
જો તમે તમારા સિબિલ સ્કોરને સુધારવા માંગતા હોવ, તો તમારે તમારા ક્રેડિટ યુટિલાઇઝેશન રેશિયોનું ધ્યાન રાખવું પડશે. તમારો ક્રેડિટ યુટિલાઇઝેશન રેશિયો ૩૦ ટકા રાખવાનો પ્રયાસ કરો. આમ કરવાથી તમારો CIBIL સ્કોર સારો થશે. જેમ કે જો તમારા ક્રેડિટ કાર્ડની લિમિટ 50 હજાર રૂપિયા છે તો તમારા ક્રેડિટ કાર્ડથી માત્ર 30 ટકા એટલે કે 15000 રૂપિયાનો જ ઉપયોગ કરો. આનાથી ક્રેડિટ યુટિલાઇઝેશન રેશિયો ૩૦ ટકા રહેશે અને સિબિલ સ્કોરમાં સુધારો થશે.
2. રોકડ ઉપાડ
ક્રેડિટ કાર્ડ દ્વારા ચૂકવણી કર્યા બાદ ક્રેડિટ કાર્ડનું બિલ ભરવા માટે 40-45 દિવસનો સમય હોય છે. આ સમય દરમિયાન એ વાતનું ધ્યાન રાખવું જોઈએ કે ક્રેડિટ કાર્ડ દ્વારા એટીએમમાંથી ક્યારેય પૈસા ઉપાડવા ન જોઈએ કારણ કે એટીએમમાંથી રોકડ ઉપાડવા પર તમને 40-45 દિવસની વ્યાજ મુક્ત વિંડો નહીં મળે અને બદલામાં તમારે બિલ તરીકે વધુ પૈસા ચૂકવવા પડશે. અને એ સામાન્ય વ્યાજ નહી પરંતુ મહિનાના 4-5 ટકાના વ્યાજદરે ચૂકવવાના રહેશે.
3. મિનિમમ પેમેન્ટ
તમને ક્રેડિટ કાર્ડની મિનિમમ પેમેન્ટનું બિલ મળી શકે છે, સંપૂર્ણ પેમેન્ટ બિલ નહીં. જો કે ક્રેડિટ કાર્ડનું બિલ ભરતી વખતે એ વાતનું ધ્યાન રાખો કે હંમેશા સંપૂર્ણ બાકી બિલ ભરો. મિનિમમ પેમેન્ટ કરતી વખતે તમારે બાકીના પૈસા પર પણ વ્યાજ ચૂકવવું પડી શકે છે.