સાયબર સુરક્ષા મામલામાં એક સ્વતંત્ર શોધકર્તા રાજશેખર રાજહરિયાએ રવિવારે દાવો કર્યો છે કે દેશના 10 કરોડ ક્રેડિટ કાર્ડ અને ડેબિટ કાર્ડ ધારકોના ડેટા ડાર્ક વેબ પર વેચવામાં આવી રહ્યાં છે. તેમના અનુસાર બેંગ્લોર સ્થિત ડિજીટલ પેમેન્ટ્સ ગેટ વે જસપેના સર્વર પરથી આ ડેટા લીક થયો છે.
10 કરોડ ભારતીઓના ડેટા લીક
ક્રેડિટ અને ડેબિટ કાર્ડના ડેટા લીક
બેંગ્લોરના એક સર્વરમાંથી થયો ડેટા લીક
સાયબર એટેકને લઇને જસ પેની સફાઇ
જસપેના કહેવા અનુસાર, સાયબર હુમલા દરમિયાન કોઇ પણ કાર્ડ નંબર કે નાણાકીય વસ્તુઓ સાથે સમજોતો નથી થયો અને 10 કરોડની જે સંખ્યા કહેવામાં આવી રહી છે તેનાથી હકીકતની રકમ ખૂબ ઓછી છે. કંપનીના પ્રવક્તાએ એક નિવેદનમાં કહ્યું કે, 18 ઓગસ્ટ 2020ના રોજ અમારા સર્વર સુધી અનધિકૃત રસ્તાથી પહોંચવાની જાણકારી જ્યારે અમને મળી હતી ત્યારે તેને વચ્ચે જ રોકી દેવામાં આવ્યું હતું, જેનાથી કોઇ પણ કાર્ડ નંબર કે અન્ય વસ્તુઓ લીક ન થાય. હાં કેટલાક ડેટા જેમ કે પ્લેન ટેક્સ્ટ ઇમેઇલ અને ફોન નંબર લીક થયા પરંતુ તેની સંખ્યા 10 કરોડથી ઓછી છે.
બિટકોઇન દ્વારા વેચવામાં આવ્યા ડેટા
સાયબર સુરક્ષાના જાણકાર રાજહરિયાનો દાવો છે કે ડેટા ડાર્ક વેબ પર ક્રિપ્ટો કરન્સી બિટકોઇન દ્વારા વેચવામાં આવી રહ્યો છે. આ ડેટા માટે હેકર પણ ટેલીગ્રામ દ્વારા સંપર્ક કરી રહ્યાં છે. જો હેકર ફિંગરપ્રીન્ટ બનાવવા માટે હૈશ અલ્ગોરિધમનો ઉપયોગ કરે છે તો તે માસ્કસ્ડ કાર્ડ નંબરને પણ ડિક્રિપ્ટ કરી શકે છે. આ સ્થિતિમાં 10 કરોડ કાર્ડ ધારકોને જોખમ છે.
જસ પેના ડેવલોપર સુધી હેકરની પહોંચ
કંપનીએ આ વાતનો સ્વિકાર કર્યો છે કે હેકરની પહોંચ જસપેના એક ડેવલોકપર સુધી થઇ ગઇ હતી, જે ડેટા લીક થયા છે તે સંવેદનશીલ માનવામાં આવતા નથી. માત્ર કેટલાક ફોન નંબર અને ઇમેઇલ એડ્રેસ લીક થયા છે અને તેમ છતાં કંપનીએ ડેટા લીક થયો તે જ દિવસે તેના મર્ચન્ટ પાર્ટનરને સુચના આપી દીધી હતી.