વડોદરામાં વુડાના અધિકારીઓ અને કોર્પોરેશનના અધિકારીઓ ટીપી વિસ્તારની બિલ્ડરોની ફાઈલો મંજૂર કરવામાં 4થી 5 માસનો સમય લગાવી હેરાન કરી રહ્યા હોવાના આક્ષેપો
વુડા પર આક્ષેપ બાદ વિવાદ વકર્યો
ક્રેડાઈ ગ્રૂપના પ્રમુખ મયંક પટેલે કર્યા આક્ષેપ
મહેસૂલ મંત્રીએ આક્ષેપોને ગણાવ્યા અંગત
વડોદરામાં બિલ્ડરોનું ગ્રુપ એટલે કે ક્રેડાઈ ગ્રૂપના પ્રમુખ મયંક પટેલે વડોદરામાં અધિકારીઓના કારણે વિકાસ અટકી ગયો હોવાની સોશિયલ મીડિયામાં પોસ્ટ કર્યા બાદ વિવાદ વકર્યો છે વડોદરામા અધિકારીઓ કામ હાથે કરીને ન કરતાં હોવાના કારણે શહેર નો વિકાસ રૂધાય છે તેવા આક્ષેપો કરતા ફરી અધિકારી રાજનું ભુત ધૂણ્યુ છે.
ટીપી વિસ્તારની બિલ્ડરોની ફાઈલો મંજૂર કરવામાં 5 માસનો સમય: પ્રમુખ મયંક પટેલ, વડોદરા ક્રેડાઈ
વડોદરામાં વુડાના અધિકારીઓ અને કોર્પોરેશનના અધિકારીઓ ટીપી વિસ્તારની બિલ્ડરોની ફાઈલો મંજૂર કરવામાં ચારથી પાંચ માસનો સમય લગાવી પરેશાન કરી રહ્યા હોવાના આક્ષેપો ક્રેડાઈ ના પ્રમુખ મયંક પટેલએ લગાવ્યા છે સોશિયલ મીડિયામાં આ પ્રકારની પોસ્ટ કરી રાજ્ય સરકાર સુધી પોતાનો અવાજ પહોંચાડવાની કોશિશ કરી છે વુડા માં જમીનો ધરાવતા બિલ્ડરો ૪૦ ટકા કપાત જમીનો સરકારને આપી રહ્યા છે અને ૬૦ ટકા જમીનમાં પોતાના પ્રોજેક્ટ કરવા તત્પર છે ત્યારે ઓનલાઇન રજા ચિઠ્ઠી સરકાર તરફથી મળી ગયા બાદ પણ અનેક મંજૂરી આપવામાં ચારથી છ માસનો સમય અધિકારીઓ લઇ રહ્યા હોય ક્રેડાઈ ના પ્રમુખ સહિત બિલ્ડરોએ વુડાના અધિકારી અને કોર્પોરેશનના અધિકારીઓ પર એક હથ્થુ શાસન ચલાવતા હોય તેવા આક્ષેપ પણ લગાવ્યા છે જો બિલ્ડરો અધિકારીઓને રજૂઆત કરવા જાય તો પોલીસ ફરિયાદ કરવાની પણ ધમકી આપતાં અધિકારીઓ ખચકાતા નથી આવા સમયે મયંક પટેલે ક્રેડાઈના અન્ય બિલ્ડરો સાથે રાખી રાજ્ય સરકારને રજૂઆત કરવાની તૈયારીઓ કરી લીધી છે.
આરોપ મયંક પટેલનો અંગત મામલો: મંત્રી રાજેન્દ્ર ત્રિવેદી
રાજ્ય સરકારના મહેસુલ મંત્રી રાજેન્દ્ર ત્રિવેદીએ આ વાતને મયંક પટેલનો અંગત મામલો હોવાની વાત કરી હતી અને નાનો માણસ છે જો કે અધિકારીઓ ઉપર જરૂર સવાલ ઉભા થાય છે એક વર્ષ અગાઉ પૂર્વ મંત્રી અને વડોદરા ધારાસભ્ય યોગેશ પટેલ સાંસદ રંજનબેન ભટ્ટ સાવલીના ધારાસભ્ય કેતન ઇનામદાર કરજણના ધારાસભ્ય અક્ષય પટેલ સહિત વુડાના અધિકારીઓ કોર્પોરેશનના અધિકારીઓની મીટીંગ થઇ હતી અને તેમાં આ પ્રશ્ને ચર્ચાઓ કરાઇ હતી તે સમયના મંત્રી યોગેશ પટેલે અધિકારીઓને સહયોગ કરવા પણ જણાવ્યું હતું. જોકે આજે રાજ્ય ના મહેસૂલ મંત્રી આવી કોઈ સમસ્યા જ ન હોવાનુ જણાવી ક્રેડાઈ પ્રમુખની વાત નો છેદ ઉડાડી રહ્યા છે.
અહેવાલ બાદ ફાઈલોની યાદી તૈયાર કરવા દોડાદોડ
વડોદરામાં ખરેખર અધિકારી રાજ. ચાલે છે કે કેમ તે એક સવાલ છે જોકે આ બાબતે વીટીવીની ટીમે વુડા ઓફિસની મુલાકાત લીધી અને વુડાના સીઈઓ એ બી પટેલ ની મુલાકાત કરી જોકે આ બાબતે કેમેરા સામે બોલવાનો ઈન્કાર કર્યો હતો. આ વિવાદના કારણે વુડા ઓફિસમા કર્મચારીઓ પેન્ડિંગ ફાઈલોની યાદી તૈયાર કરવા દોડધામ કરતા જોવા મળ્યા હતા.