તમારા કામનું / Instagram અને Facebookથી આ રીતે કરો કમાણી! માર્ક ઝુકરબર્ગે પોસ્ટ શેર કરી પોતે જણાવી રીત

• ફેસબુક ઈન્સ્ટાગ્રામ સાથે કરો કમાણી 
• માર્ક ઝુકરબર્ગે જણાવી રીત 
• જાણો કઈ રીતે થશે કમાણી 

આજકાલ લોકો પોતાના સ્માર્ટફોન પર ફેસબુક, ટ્વીટર, ઈન્સ્ટાગ્રામ જેવા સોશિયલ મીડિયા પ્લેટફોર્મ પર થોડો વધારે જ સમય પસાર કરે છે. ઘણા લોકો પોતાના વીડિયો રીલ્સ બનાવીને પણ આ પ્લેટફોર્મ્સ પર શેર કરે છે. 

પોસ્ટ કરીને આપી માહિતી
હવે આ કન્ટેન્ટ ક્રિએટર્સને ફેસબુક અને ઈન્સ્ટાગ્રામના માલિક માર્ક ઝુકરબર્ગે એક મોટી ખુશ ખબર આપી છે. ફેસબુકના સીઈઓ ઝુકરબર્ગે પોતાના ઓફિશ્યલ પેજ પર એક વિસ્તૃત પોસ્ટમાં કહ્યું છે કે કંપની 2024 સુધી ફેસબુક અને ઈન્સ્ટાગ્રામ પર કોઈ પણ રેવેન્યૂ શેરિંગ પર રોક લગાવી દેશે. 

તેમણે પોસ્ટમાં લખ્યું, "અમે 2024 સુધી ફેસબુક અને ઈન્સ્ટાગ્રામ પર દરેક રેવેન્યૂ શેરિંગ પર રોક લગાવી દઈશું. તેમાં પેઈડ ઓનલાઈન ઈવેન્ટ, સબ્સક્રિપ્શન, બેઝ અને બુલેટિન શામેલ છે."

પૈસા કમાવવાની રીત વિશે જણાવ્યું 
ઝુકરબર્ગે તેની સાથે જ પોતાના બે સોશિયલ મીડિયા પ્લેટફોર્મ ફેસબુક અને ઈન્સ્ટાગ્રામ પર કન્ટેન્ટ ક્રિએટર્સ માટે પૈસા કમાવવાની નવી રીતનું પણ એલાન કર્યું. ઝુકરબર્ગે જણાવ્યું કે આ સુવિધાઓ ‘Creatorsને મેટાવર્સ બનાવવામાં મદદ કરશે.'
 
જાણો ઈન્સ્ટાગ્રામ અને ફેસબુક પર આવનાર આ ફિચર્સ કયા છે અને કન્ટેન્ટ ક્રિએટર્સને કઈ રીતે મદદ કરશે. 

Monetizing Reels
કંપની ફેસબુક પર ક્રિએટર્સ માટે રીલ્સ  પ્લે બોનસ પ્રોગ્રામ ખોલી રહી છે. જે ક્રિએટર્સને પોતાના ઈન્સ્ટાગ્રામ રીલ્સને ફેસબુક પર ક્રોસ-પોસ્ટ કરે છે અને તેમણે ત્યાં પણ મોનેટાઈઝ કરવાની સુવિધા આપશે. 

Interoperable Subscriptions
આ ફિચર ક્રિએટર્સને પેમેન્ટ કરવાનાર પોતાના સબ્સક્રાઈબરને બીજા પ્લેટફોર્મ પર સબ્સક્રાઈબર-ઓનલી ફેસબુક ગ્રુપ્સ સુધી પહોંચ આપશે. 

Facebook Stars
આ ઉપરાંત કંપની દરેક ક્રિએટર્સ માટે સ્ટાર્સ નામના એક ટિપિંગ ફિચર શરૂ કરવા જઈ રહી છે. જેથી વધારેમાં વધારે લોકો પોતાની રીલ, લાઈવ અથવા ઓન ડિમાન્ડ વીડિયોથી કમાણી શરૂ કરી શકે. 

Creator Marketplace
ઝુકરબર્ગે સાથે જણાવ્યું કે મેટાએ ઈન્સ્ટાગ્રામ પર એક સેટ પ્લેસની ટેસ્ટિંગ શરૂ કરી દીધી છે. જ્યાં ક્રિએટર્સને શોધી અને પેમેન્ટ કરી શકાય છે અને જ્યાં બ્રાન્ડ નવા પાર્ટનરશિપના અવસરો શેર કરી શકાશે. 

Digital Collectibles
ઝુકરબર્ગે જણાવ્યું કે કંપની ક્રિએટર્સ માટે ઈન્સ્ટાગ્રામ પર ડિસ્પ્લે NFT માટે સપોર્ટનો વિસ્તાર કરી રહી છે. ઝુકરબર્ગે જણાવ્યું, "યુએસ ક્રિએટર્સના એક નાના ગ્રુપની સાથે શરૂ કરતા અમે આ સુવિધાને જલ્દી જ ફેસબુક પર પણ લાવીશું. જેથી લોકો ઈન્સ્ટાગ્રામ અને ફેસબુક પર ક્રોસ- પોસ્ટ કરી શકે."