ધમકી / વરૂણની નારાજ ફેને કહ્યુ કે, 'તારી ગર્લેફ્રેન્ડને મારી નાખીશ'

સેલિબ્રિટી પાછળ તેમના ફેન્સ એટલા ગાંડા કાઢે કે ઘણી વખત તો   હદ વટાવી દે છે, પરંતુ  વરુણ ધવનના કેસમાં તો જાનથી મારવાની ધમકી સુધી વાત પહોંચી ગઈ છે. સૌ કોઈ આ વાતથી જાણ છે કે વરુણ ધવનની ગર્લફ્રેન્ડ નતાશા દલાલ છે અને થોડા સમયમાં બંને લગ્ન પણ કરવાના છે. વરુણ પાછળ એક પાગલ ચાહકે નતાશાને રસ્તામાંથી હટાવી દેવાની ધમકી આપી છે.
 
 
જી હા, વાસ્તવમાં વરુણની એક ફેન છેલ્લા કેટલાક દિવસથી તેનો પીછો કરી રહી હતી અને અંતે તે તેના ઘર સુધી પહોંચી ગઇ. પરંતુ વરુણને મળવામાં સફળ ન થતા તેને વરુણની ગર્લફ્રેન્ડને મારી નાખવાની ધમકી આપી છે. 

વરુણની ક્રેઝી ફેન કલાકો સુધી તેને મળવા માટે તેના ઘર બહાર ઉભી રહી. પરંતુ વરુણ હાલ તેની આગામી ફિલ્મ ‘કલંક’ના પ્રમોશનમાં બિઝી હોવાથી ઘરે નહોતો. જ્યારે વરુણના ઘરના સિક્યોરિટી ગાર્ડે જણાવ્યું કે વરુણ આજે તેને મળી શકે તેમ નથી તો તે ભડકી ગઇ. તેણે વરૂણના ઘરના બહાર હંગામો મચાવી દીધો અને ગુસ્સામાં કહ્યું કે 'આઈ વિલ કિલ નતાશા.'
 

સિક્યોરિટી ટીમે જણાવ્યુ કે, પહેલા તો યુવતીએ પોતાને ઘાયલ કરવાની ધમકી આપી હતી અને બાદમાં નતાશાને નુકસાન પહોંચાડવાની વાત કરી હતી. જે બાદ સિક્યોરિટી ટીમે પોલીસને બોલાવી હતી. હાલ આ મામલે સાંતા ક્રૂઝ પોલીસ સ્ટેશનમાં ફરિયાદ નોંધાઇ છે જોકે, વરુણના નિવેદન પછી FIR નોંધાશે.