લોન્ચ / પૈસા આપ્યા વિના જ વસાવો Crayon Envy ઈલેક્ટ્રિક સ્કૂટર, 2 કલાકના સિંગલ ચાર્જમાં ચાલશે 70 કિમી

• ઝીરો ડાઉન પેમેન્ટ પર ખરીદી શકો છો આ સ્કૂટર
• આકર્ષક લુક અને દમદાર બેટરી જેવા ફીચર્સ
• આ સ્કૂટર 25 કિમી. પ્રતિ કલાકની સ્પીડે દોડી શકે છે

આ કંપનીની ઓફિશિયલ વેબસાઈટ પર આપેલી જાણકારી અનુસાર, આ સ્કૂટર ઝીરો ડાઉન પેમેન્ટ પર બજારમાં ઉપલબ્ધ છે. કંપનીએ Crayon Envy લો સ્પીડ સ્કૂટર લોન્ચ કર્યું છે. કંપનીએ દાવો કર્યો છે કે આ સ્કૂટર 25 કિમી. પ્રતિ કલાકની સ્પીડે દોડી શકે છે. આ સિવાય સિંગલ ચાર્જમાં જ આ સ્કૂટર 70 કિમી સુધી ચાલી શકશે. 

આકર્ષક અને સ્ટાઈલિશ છે આ ઈલેક્ટ્રિક સ્કૂટર

આ સ્કૂટરના લુકને આકર્ષક બનાવવા માટે કંપનીએ તેના ફ્રન્ટમાં ડ્યૂઅલ એલઈડી હેડલેમ્પ, હેન્ડલ બાર્સ પર એલઈડી ઈન્ડીકેટર્સનો ઉપયોગ કરવામાં આવ્યો છે. સાથે જ બેકસીટ પર આરામ રહે તે માટે એક બેકરેસ્ટ પણ આપવામાં આવ્યું છે. આ સ્કૂટર સુપર વ્હાઈટ, સૂધિંગ બ્લૂ અને ઓરેન્જ જેવા સ્ટાઈલિશ કલરમાં ઉપલબ્ધ છે. 

સ્કૂટરમાં છે કેટલાક એડવાન્સ ફીચર્સ 

Crayon Envy સ્કૂટરના ફીચર્સની વાત કરીએ તો તેમાં લેસ ઈગ્નિશન, સેન્ટ્રલ લોક, ડિજિટલ ઈન્સ્ટ્રૂમેન્ટ
 ક્લસ્ટર, રિવર્સ આસિસ્ટ જેવા ફીચર્સ છે. આ સિવાય તેમાં અન્ય કેટલાક એડવાન્સ ફીચર્સ પણ છે. જેમ કે જિયો ટેગિંગ, 2.1 યૂએસબી પોર્ટ, સાઈડ સ્ટેન્ડ સેન્સર અને મોબાઈલ ચાર્જિંગ પોઈન્ટ વગેરે. 

સ્કૂટર 60Vની બેટરીના વિકલ્પ સાથે પણ ઉપલબ્ધ છે

Crayon Envy સ્કૂટરમાં કંપનીએ 250 વૉટની ક્ષમતાવાળી BLDC motorનો ઉપયોગ કર્યો છે. જે 48Vની વૉલ્વ રેગ્યુલેટેડ લીડ એસિડ (VRLA) બેટરીથી ચાલે છે. આ સિવાય આ સ્કૂટર 60Vની બેટરીના વિકલ્પ સાથે પણ બજારમાં ઉપલબ્ધ છે. આ સાથે જ સ્કૂટરની બ્રેકિંગ પર પણ કંપનીએ ખાસ ધ્યાન આપ્યું છે. 

સ્કૂટરની કિંમત માત્ર 53,000 રૂપિયા છે

આમાં કંપનીએ ઈલેક્ટ્રોનિક અસિસ્ટેડ બ્રેકિંગ સિસ્ટમ  (E-ABS)નો ઉપયોગ કર્યો છે. જે સંતુલિત બ્રેકિંગનો ઓપ્શન આપે છે. આમાં બેટરી ચાર્જિંગના અલગ-અલગ વેરિઅન્ટ પણ ઉપલબ્ધ છે. જેમાં સામાન્ય બેટરી વેરિઅન્ટ 4થી 5 કલાકમાં ફુલ ચાર્જ થાય છે જ્યારે Lithium ionવાળું વેરિઅન્ટ માત્ર 2થી 3 કલાકમાં ફુલ ચાર્જ થઈ જાય છે. આ સ્કૂટરની કિંમત માત્ર 53,000 રૂપિયા છે.