વૈશ્વિક સંકેતો અને રોકાણકારોના પ્રોફિટ-બુકિંગના કારણે સેન્સેક્સ ફરી 60 હજારની નીચે અને નિફ્ટી 18 હજારની નીચે બંધ થયો
ભારતીય શેરબજાર આજે સતત બીજા દિવસે ઘટાડા સાથે બંધ
સેન્સેક્સ ફરી 60 હજારની નીચે અને નિફ્ટી 18 હજારની નીચે બંધ થયો
ટ્રેડિંગ સેશનમાં ઓટો, મેટલ્સ, એનર્જી, સેક્ટરના શેરમાં ઉછાળો જોવા મળ્યો
ભારતીય શેરબજાર આજે સતત બીજા દિવસે ઘટાડા સાથે બંધ થયું છે. વૈશ્વિક સંકેતો અને રોકાણકારોના પ્રોફિટ-બુકિંગના કારણે સેન્સેક્સ ફરી 60 હજારની નીચે અને નિફ્ટી 18 હજારની નીચે બંધ થયો છે. આજે કામકાજના અંતે મુંબઈ સ્ટોક એક્સચેન્જનો સેન્સેક્સ 412 પોઈન્ટના ઘટાડા સાથે 59,934 અને નેશનલ સ્ટોક એક્સચેન્જનો નિફ્ટી 126 પોઈન્ટના ઘટાડા સાથે 17,877 પોઈન્ટ પર બંધ થયો હતો.
આજે ગુરુવારના ટ્રેડિંગ સેશનમાં ઓટો, મેટલ્સ, એનર્જી, સેક્ટરના શેરમાં ઉછાળો જોવા મળ્યો હતો, જ્યારે બેન્કિંગ, આઈટી, ફાર્મા, એફએમસીજી, મીડિયા, કન્ઝ્યુમર ડ્યુરેબલ્સ સેક્ટરમાં વેચવાલી જોવા મળી હતી. જ્યારે સ્મોલ કેપ શેરોમાં ઘટાડો જોવા મળ્યો હતો, જ્યારે મિડ કેપ ઇન્ડેક્સ લીલા નિશાનમાં બંધ થયો હતો. આ તરફ આજે કરન્સી માર્કેટમાં ડોલર સામે રૂપિયામાં નબળાઈ જોવા મળી રહી છે. એક ડોલર સામે રૂપિયો 25 પૈસાના ઘટાડા સાથે 79.7 રૂપિયા પર બંધ થયો છે.
મહત્વનું છે કે, BSE પર કુલ 3,620 શેરનો વેપાર થયો હતો, જેમાં 1698 શેર વધ્યા હતા અને 1796 શેર લાલ નિશાનમાં બંધ થયા હતા. 126 શેરની કિંમતમાં કોઈ ફેરફાર થયો નથી. આજના ટ્રેડિંગ સેશનમાં 290 શેરમાં અપર સર્કિટ અને 166 શેરમાં લોઅર સર્કિટ હતી. શેરબજારની માર્કેટ મૂડી 285.87 લાખ કરોડ રૂપિયા રહી છે.