રાજનીતિ / ગુજરાતમાં વહેલી ચૂંટણી થાય તો BJPને થશે આ લાભ, CR પાટીલે આપ્યા હતા સંકેત

• ચૂંટણીને લઇ સી.આર.પાટીલનું નિવેદન
• 'નવેમ્બરના અંત સુધીમાં ચૂંટણી પૂર્ણ થશે'
• 'તારીખ જાહેર કરવાની મારી પાસે નથી સત્તા'

વહેલી ચૂંટણીની ચાલતી અટકળો વચ્ચે ભાજપ પ્રદેશ પ્રમુખ સી.આર પાટીલના નિવદેનથી ફરીથી ગુજરાતમાં રાજકીય ગરમાવો આવી ગયો છે. ભાજ પ્રદેશ પ્રમુખે આડકતરી રીતે ચૂંટણી વહેલી યોજાવાના સંકેત આપ્યા છે. સી.આર પાટીલના નિવેદન બાદ ચૂંટણીને લઈ ફરી આટકળોએ જોર પકડ્યુ છે. ચૂંટણી સમયસર યોજાશે કે વહેલી તેમજ વહેલી યોજાશે તો કેટલી તેને લઈ ચર્ચાઓએ જોર પકડ્યું છે. તો આરપારમાં જોઈએ કે ગુજરાતમાં જો વહેલી ચૂંટણીને લઈ શું છે માહોલ 

10થી 12 દિવસ વહેલી યોજાય તેવી સંભાવના
ગુજરાતમાં કેટલાય સમયથી વહેલી ચૂંટણી યોજાવાની અટકળો ચાલી રહી છે. તેના વચ્ચે ભાજપ પ્રદેશ પ્રમુખ સી.આર.પાટીલના નિવેદનથી ચૂંટણીને લઈ ચર્ચાઓએ જોર પકડ્યુ છે. સી.આર પાટીલે આણંદ ખાતેના કાર્યક્રમમાં ચૂંટણીને લઈ નિવેદન આપ્યુ હતું. જેમાં તેમણે વહેલી ચૂંટણી યોજાવાની સંભાવના વ્યક્ત કરી હતી. ભાજપ પ્રદેશ પ્રમુખ સી.આર પાટીલ સાંકેતિક ભાષામાં વાત કરવા માટે જાણીતા છે. જેથી તેમના આ નિવેદનોથી ચૂંટણીને લઈ રાજકારણ ગરમાયું છે. કેમ સી.આર પાટીલે ચૂંટણીને લઈને નિવેદન આપતા કહ્યુ હતુ કે, ચૂંટણીની તારીખ જાહેર કરવાની સત્તા મારી પાસે નથી. પરંતુ આ વખતે ચૂંટણી 10થી 12 દિવસ વહેલી યોજાય તેવું મને લાગી રહ્યુ છે. નવેમ્બરના અંત સુધીમાં ચૂંટણી પૂર્ણ થઈ જશે તેવું મને લાગે છે. સી.આર પાટીલના આ નિવેદન બાદ રાજ્યની રાજનીતિમાં ચર્ચાઓએ જોર પકડ્યું હતુ. કારણ કે સી.આર.પાટીલ ખુબ વિચારીને બોલનારા નેતાઓમાં ગણવામાં આવે છે. તેથી તેમના નિવેદનોથી તર્ક વિતર્ક સર્જાયા છે.

દરેક પાર્ટીઓના નેતાઓના ઉપરાછાપરી ગુજરાતમાં પ્રચાર
ગુજરાતમાં વિધાનસભાની ચૂંટણી વહેલી યોજાશે એવી કેટલા સમયથી જોરશોરથી ચર્ચાઓ ચાલી રહી છે. છેલ્લા કેટલાક મહિનાઓથી રાજ્યની દરેક રાજનીતિ પાર્ટીઓ  ફુલ ઈલેક્શન મોડમાં આવી ગયા છે. ગુજરાતમાં માર્ચ મહિનાથી જ પ્રધાનમંત્રી નરેન્દ્ર મોદી અને અમિત શાહ એક બાદ એક  સતત ગુજરાતમાં પ્રવાસ કરી વિવિધ વિકાસ કામોનું લોકાર્પણ કરી રહ્યા છે. કોંગ્રેસ પણ આ વખતે વહેલી એક્ટીવ થઈ ગઈ છે. જેમાં તેમણે ઉમેદવારોના નામની વહેલી જાહેરાત કરવાની વાત કહી હતી. કોંગ્રેસે પ્રજાને વિવિધ વાયદાઓ પણ કરી દીધા છે. ઉપરાંત આમ આદમી પાર્ટી પણ આ વખતે ગુજરાતની ચૂંટણી જીતવા એડીચોટીનું જોર લગાવી રહી છે. દિલ્લીના નેતાઓ એક બાદ એક ચૂંટણી સભાઓ કરીને લોકોને કેજરીવાલની ગેરંટીના નામે ચૂંટણી વચનો કરી રહ્યા છે વહેલી ચૂંટણીની અટકળોને લઈને કોંગ્રેસ અને આપ પહેલેથી જ ગુજરાતમાં તૈયારીઓમાં લાગી ગઈ છે. જેથી તમામ પાર્ટીઓના નેતા ઉપરાછાપરી ગુજરાતમાં પ્રચાર કરી રહ્યા છે.

વહેલી ચૂંટણીના પૂરેપૂરા સંકેત
વહેલી ચૂંટણીને લઈ એટલે પણ અટકળોએ જોર પકડ્યુ છે કારણે કે છેલ્લા કેટલાક સમયથી સરકાર પણ ચૂંટણીને લઈ હિલચાલ કરી રહી છે. જેને લઈ સરકારમાં પણ બેઠકોનો ધમધમાટ ચાલી રહ્યો છે. જેમાં સાંસદો અને ધારાસભ્યો સાથે પ્રધાનમંત્રી,  મુખ્યમંત્રી અને ભાજપ પ્રમુખ જેપી નડ્ડાની એક બાદ એક યોજાતી બેઠકો. એક બાદ એક વિકાસ કામોનું લોકાર્પણ. મંત્રીઓને મંત વિસ્તારોનો પ્રવાસ કરવા સૂંચના આપવામાં આવી હતી. એક બાદ એક સંગઠનોના આંદોલન સામે સરકાર માંગો સ્વિકારી રહી છે. આ બધી ગતીવિધિથી કારણે જલ્દી ચૂંટણીને લઈ ચર્ચાઓએ જોર પકડ્યુ છે.

ચોક્કસ ચૂંટણી અધિકારીઓની ટ્રેનિંગ પૂર્ણ 
આ તો વાત થઈ રાજકીય પક્ષોની પરંતુ છેલ્લા કેટલાક સમયતી ચૂંટણી પંચ પણ જે રીતે તૈયારીઓ કરી રહ્યુ છે તેને જોતા પણ નિષ્ણાતો વહેલી ચૂંટણીની સંભાવના ગણે છે. જેમાં ચૂંટણી પંચે મતદારની આખરી યાદી બહાર પાડી હતી. ચૂંટણી માટેના સ્ટાફ વાહનોની વિગતો તૈયાર કરાવવી. કેન્દ્ર અને રાજ્યના સત્તાવાર વાહનોનું લિસ્ટ તૈયાર કરાવવામાં આવ્યું. ચોક્કસ ચૂંટણી અધિકારીઓની ટ્રેનિંગ પૂર્ણ કરવામાં આવી. ચૂંટણીની જાહેરાતથી સંપૂર્ણ પ્લાન એક્શનમાં આવશે.જેથી જાણકારોનું માનવું છે કે ચૂંટણી પંચ પણ જો વહેલી ચૂંટણી થાય તો તૈયારીઓ બાકી ન રહી જાય તેનું ધ્યાન રાખીને તમામ તૈયારીઓ પૂર્ણ કરી રહ્યુ છે.

કેમ વહેલી ચૂંટણી કરાવશે?
આ બધા વચ્ચે સવાલ થાય કે સરકાર વહેલી ચૂંટણી કેમ કરાવશે. .તો તેના કારણોની જો વાત કર્યે તો.  4 રાજ્યમાં ભાજપની જીતનો લાભ લઈ શકાય. તેમજ રાષ્ટ્રપતિના ઉમેદવારના નામનો પણ ચૂંટણી પ્રચારમાં ઉપયોગ કરી શકાય. કોંગ્રેસ અને આપને તૈયારી-સ્ટ્રેટેજી બનાવવાનો સમય ન મળે જેથી ભાજપને ફાયદો થાય. .પંજાબના વિજય બાદ આપ ગુજરાત પર નજર રાખીને બેઠુ છે જેથી તેને વધુ સમય ન આપવો. તેમજ અન્ય એક મોટું કારણે છે જે ઉંઝા બેઠક ખાલી હોવા છતા પણ હજુ સુધી ચૂંટણી જાહેર નથી કરાઈ. વિવિધ સમાજ માંગણીઓને લઈ સરકાર સામે પડે તે પહેલા ચૂંટણી પતાવી શકાય. જેથી વહેલી ચૂંટણી થવાથી ભાજપને ફાયદો થવાની સંભાવના  વધુ છે. જેને લઈને પણ સરકાર વહેલી ચૂંટણી યોજી શકે છે.

ગુજરાતમાં છેલ્લા કેટલાક મહિનાઓથી ચૂંટણી વહેલી યોજાવાની ચર્ચાઓએ જોર પકડ્યુ છે. જો કે બાદમાં ભાજપ પ્રદેશ પ્રમુખ સ્પષ્ટતા કરી હતી કે તેમની કોઈની સાથે વાત ચીત નથી થઈ ફક્ત તેમને જે લાગતુ હતુ તે કાર્યકર્તાઓને પ્રચાર માટે તૈયાર રહેવા માટે કહ્યુ હતુ. જો કે , ચૂંટણી વહેલી થશે કે સમયસરએ આવનાર ગણતરીના દિવસોમાં જાહેર થઈ જશે.