અભિનંદન / ભારતના 100 સૌથી 'પાવરફુલ' લોકોની યાદીમાં માંડવિયા-પાટીલનું પણ નામ, જુઓ કયા નંબરે

• દેશના 100 શક્તિશાળી વ્યક્તિઓની યાદી જાહેર
• પ્રથમ નંબરે પીએમ મોદી, બીજા નંબરે અમિત શાહ
• ભાજપ પ્રદેશ પ્રમુખ પણ આ યાદીમાં સામેલ 

દેશના 100 શક્તિશાળી લોકોની યાદી જાહેર કરવામાં આવી છે. જેમાં સૌથી પહેલા નંબરે છે પીએમ મોદી. જ્યારે બીજા નંબર પર અમિતશાહનુ સ્થાન છે. આ સાથે જ ભાજપના પ્રદેશ પ્રમુખનો પણ યાદીમાં  સમાવેશ કરાયો છે.  સી.આર.પાટીલ આ  યાદીમાં 53માં ક્રમે છે. 

સી.આર. પાટીલનું પણ નામ આ યાદીમાં 

વડાપ્રધાન નરેન્દ્ર મોદીના ખાસ ગણાતા પાટીલ હાલમાં ગુજરાતના રાજકારણના કેન્દ્રમાં છે. તેઓ  બિન-ગુજરાતી મૂળ ધરાવતા પ્રથમ નેતા કે જેઓ મહત્વના હોદ્દા પર નિમણૂક પામ્યા છે. રાજ્યનો કોઇ પણ મુદ્દો હોય કે તે પદાધિકારીઓની નિમણૂક હોય કે પક્ષની ટિકિટોની વહેંચણી, સી.આર પાટીલ જે કહે તે અંતિમ ગણાય છે.

👉 The India Express એ જાહેર કરી 100 સૌથી શક્તિશાળી ભારતીયોની યાદી pic.twitter.com/wElrUpySj9

— BJP Gujarat (@BJP4Gujarat) March 31, 2022

મનસુખ માંડવિયા 25મા ક્રમે

કોવિડ -19 રોગચાળાનું સંચાલન કરવા દરમિયાન  તેમાં પણ સેકન્ડ લહેર વખતે ઘણી ટીકા થઇ હતી. ત્યાર બાદ કેબિનેટમાં વ્યાપક ફેરબદલી કરવામાં આવી હતી. કટોકટીના સમયમાં પીએમ મોદીની આશ્ચર્યજનક પસંદગી કેમિકલ અને ફર્ટિલાઇઝર્સના જુનિયર પ્રધાન મનસુખ માંડવિયા હતા.
 

પીએમ મોદી ટોચના સ્થાને

એક રિપોર્ટ અનુસાર કોરોના અને કૃષિ કાયદાઓને પરત લેવાથી તેઓની ઇમેજમાં સુધારો થયો છે. કોરોના રોગચાળાને કારણે ઉભી થયેલી કટોકટી અને તેના માટે વેક્સીનનું સંચાલન, વિધાનસભા ચૂંટણીમાં ભાજપની મજબૂત સ્થિતિએ પીએમ મોદીની છબી વધારી છે. આ ઉપરાંત, તાજેતરમાં, પીએમ મોદી યુદ્ધગ્રસ્ત યુક્રેનમાંથી 22000 થી વધુ યુવા ભારતીયોને ઘરે લાવવામાં સૌથી વાસ્તવિક નેતા તરીકે ઉભા થયા છે.

બીજા નંબરે અમિત શાહ 

પાવરફુલ લોકોની યાદીમાં પીએમ મોદી પછી કેન્દ્રીય ગૃહમંત્રી અમિત શાહ બીજા નંબર પર છે. તે જ સમયે, આરએસએસ વડા મોહન ભાગવત આ યાદીમાં ત્રીજા નંબરે છે અને બીજેપીના રાષ્ટ્રીય અધ્યક્ષ જેપી નડ્ડા ચોથા નંબર પર છે. મુકેશ અંબાણી, $96 બિલિયનની નેટવર્થ સાથે સૌથી ધનિક ભારતીય (ફોર્બ્સ અનુસાર), સૌથી શક્તિશાળી લોકોની યાદીમાં 5માં સ્થાને છે. આ યાદીમાં કેન્દ્રીય ગૃહમંત્રી અમિત શાહ ઉપરાંત ઉત્તર પ્રદેશના મુખ્યમંત્રી યોગી આદિત્યનાથ, મોહન ભાગવત, ભાજપના રાષ્ટ્રીય અધ્યક્ષ જેપી નડ્ડા અને સપા પ્રમુખ અખિલેશ યાદવ પણ સામેલ છે.