ગુજરાત વિધાનસભાની ચૂંટણીમાં ભાજપની પ્રચંડ જીત બાદ RSSના હોદદ્દારો સાથે સી.આર.પાટીલે બેઠક કરી હતી. તો આવતીકાલે કમલમ ખાતે ભાજપની ધારાસભ્ય દળની બેઠક યોજાવાની છે. આ માટે સાંસદોને પણ હાજર રહેવાની સૂચના આપવામાં આવી છે.
ભાજપની પ્રચંડ જીત બાદ પાટીલની સંઘના અગ્રણીઓ સાથે મુલાકાત
RSSના હેડગેવર ભવનમાં સી.આર.પાટીલે કરી બેઠક
ભાજપના જીતેલા ઉમેદવારોની આવતીકાલે કમલમમાં બેઠક
ગુજરાત વિધાનસભાની ચૂંટણીમાં ભવ્ય વિજય બાદ હવે ભાજપે નવી સરકાર રચવાની તૈયારીઓ શરૂ કરી દીધી છે. આગામી 12મી ડિસેમ્બરે નવી સરકારનો શપથગ્રહણ સમારોહ યોજાવા જઈ રહ્યો છે. આ પહેલા ભાજપના પ્રદેશ પ્રમુખ સી.આર પાટીલે સંઘના અગ્રણીઓ સાથે મુલાકાત કરી છે. સી.આર પાટીલ RSSના હેડગેવર ભવનમાં પહોંચ્યા હતા.
ચૂંટણીમાં પ્રચંડ જીત બાદ CR પાટીલ પહોંચ્યા હેડગેવર ભવન
ગુજરાત વિધાનસભાની ચૂંટણીનું પરિણામ જાહેર થઈ ચૂક્યું છે, ગુજરાત વિધાનસભા ચૂંટણીના પરિણામો આવી ગયા છે, ગુજરાત વિધાનસભાની ચૂંટણીમાં પ્રચંડ જીત સાથે ભાજપે તમામ જૂન રેકોર્ડ તોડી દીધા છે. ભાજપને 156 બેઠક મળી છે તેમજ કોંગ્રેસને 17 અને આમ આદમી પાર્ટીને 5 તેમજ અન્યના ખાતામાં 4 બેઠક ગઈ છે. વિધાનસભાની ચૂંટણીમાં ભાજપની પ્રચંડ જીત બાદ RSSના હોદદ્દારો સાથે સી.આર.પાટીલે મહત્વની બેઠક કરી હતી.
પાટીલે RSS અગ્રણીઓ સાથે યોજી બેઠક
ભાજપ અધ્યક્ષ સી.આર પાટીલ હેડગેવર ભવન પહોંચ્યા હતા. અહીં તેઓની RSS અગ્રણીઓ સાથે બેઠક યોજી હતી. સૂત્રોના જણાવ્યા અનુસાર, આ બેઠકમાં સરકારના નવા મંત્રી મંડળને લઈને પણ ચર્ચા કરવામાં આવી હતી.
આવતીકાલે કમલમમાં બેઠક
તો આવતીકાલે પ્રદેશ કાર્યલય ખાતે ભાજપની ધારાસભ્ય દળની બેઠક યોજાવાની છે. આ માટે નવા ચૂંટાયેલા ઉમેદવારો સાથે જિલ્લાના સંગઠનના હોદેદારો હાજર રહેશે. આ બેઠકમાં હાજર રહેવા માટે સાંસદોને પણ સૂચના આપવામાં આવી છે. આ બેઠક પ્રદેશ પ્રમુખ સી.આર.પાટીલ અને CM ભૂપેન્દ્ર પટેલની હાજરીમાં યોજાશે. ધારાસભ્ય દળની બેઠક પહેલા નિરીક્ષકોની નિમણૂંક કરાઇ છે. રાજનાથસિંહ, બીએસ યેદિયુરપ્પા અને અર્જૂન મુંડાની નિમણૂંક કરવામાં આવી છે. નિરીક્ષકો આવતીકાલે ધારાસભ્ય દળની બેઠકમાં હાજરી આપશે.