સી આર પાટીલે ગાડી પરથી લાઈટો હટાવી તેમ હવે મંચ પરની ખુરશીથી નેમ પ્લેટનું કલ્ચર હટાવોની ટકોર કરી હતી
સી.આર.પાટીલની ટકોર
"મંચ પરથી ખુરશીથી નેમ પ્લેટનું કલ્ચર હટાવો"
સી.આર.પાટીલનું સ્વાગત મંચ નીચેથી જ કરાયું
નેમ પ્લેટનું કલ્ચર હટાવો
વડોદરામાં પાટીદાર ગ્લોબલ સમિટ પ્રમોશનલ કાર્યક્રમમાં સી.આર.પાટીલે વીઆઇપી કલ્ચરને લઇ ટકોર કરી. ગુજરાત ભાજપ પ્રમુખ સી.આર.પાટીલે મંચ પરથી ટકોર કરતા કહ્યું કે મંચ પર અગ્રણીઓના નામની પ્લેટ અને ખુરશીના મૂકો. જેમ ગાડી પરથી લાઈટો હટાવી તેમ હવે મંચ પરથી ખુરશીથી નેમ પ્લેટનું કલ્ચર હટાવો. ત્યારે આ દરમિયાન કાર્યક્રમમાં સી.આર.પાટીલનું સ્વાગત પણ મંચ નીચે કરાયું. અને કાર્યક્રમમાં મંચ પર કોઇ મહાનુભાવ પણ ન હતા બેઠા.
વડોદરા મેયરની કામગીરી ઢીલી ગણાવી
પ્રદેશ ભાજપ અધ્યક્ષ સી.આર. પાટીલે વડોદરાના મેયરની કામગીરીને ઢીલી ગણાવી છે તેમણે મેયરની કામગીરીને લઈને સવાલો ઉઠાવ્યા છે અને કહ્યું કે મીટિંગો બંધ કરી, કામ શરૂ કરવાની શીખામણ આપી છે. મહત્વનું છે કે આગામી નવેમ્બર મહિનામાં વડોદરા મહાનગર આયોજન સમિતિની ચૂંટણી યોજાનાર છે, જેમાં 8મી નવેમ્બર સુધીમાં ફોર્મ ભરાનાર છે ત્યારે સી.આર.પાટીલે કાર્યકરો અને નેતાઓને કામગીરીમાં લાગી જવાની સલાહ આપી છે.
મીટિંગો બંધ કરો અને કામ કરો : સી.આર. પાટીલ
પાંચ વર્ષ બાદ ફરી એકવાર ગુજરાત મેટ્રોપોલિટન પ્લાનિંગ કમિટી એક્ટ હેઠળ મેટ્રોપોલિટન પ્લાનિંગ કમિટીની ચૂંટણી કરવાની પૂર્વ તૈયારી શરૂ કરાઈ છે. આ સમિતિમાં કુલ 45 સભ્યની નિમણૂક કરાશે. જેમાં આઠ સભ્ય સરકાર નિયુક્ત અને સાત તજજ્ઞનો સમાવેશ કરાશે તો બાકીના 30 સભ્ય હાલના ચૂંટાયેલા કોર્પોરેટર રહેશે.પાલિકાના 30 ચૂંટાયેલા કોર્પોરેટર ની નિમણૂક કરવા માટે ચૂંટણી કરાશે. જેમાં હાલના 76 ચૂંટાયેલા કોર્પોરેટર પોતે જ ઉમેદવાર રહેશે અને મતદારો પણ તે જ રહેશે.આ સમિતિના ચીફ ઇલેક્શન ઓથોરિટી એવા મ્યુ.કમિશનર દ્વારા મહાનગર આયોજન સમિતિના ૩૦ સભ્યો ચૂંટવા માટે ચૂંટણી જાહેર કરી છે અને તેમાં 8 નવેમ્બર સુધીમાં ફોર્મ ભરવાના રહેશે.