નિવેદન / ટોપી પહેરજો, પણ ટોપી પહેરાવતા નહીં, જો આવું કર્યુ તો ટિકિટ નહીં મળે : પાટીલની કાર્યકર્તાઓને સીધો સંદેશ

• રાજકોટમાં CR પાટીલે ભાજપના કાર્યકરોનો ક્લાસ લીધો
• ભ્રષ્ટાચાર કરતા હોદ્દેદાર કે પદાધિકારીઓને ટિકિટ નહીં મળે
• ભાજપના કાર્યકર્તાઓ કોઇને ટોપી પહેરાવતા નહીં: સી.આર પાટીલ

રાજકોટની મુલાકાતે પહોંચેલા ભાજપ પ્રદેશ અધ્યક્ષ સી.આર. પાટીલે ભાજપનાં કાર્યકર્તાઓ સાથે મહત્વની બેઠક કરી હતી. જેમાં તેઓએ સૂચક નિવેદન આપ્યું હતું. તેઓએ બેઠકમાં નિવેદન આપતા જણાવ્યું કે, 'ભાજપના કાર્યકર્તાઓ ટોપી પહેરજો, પણ કોઇને ટોપી પહેરાવતા નહીં.'

કોઇ ખોટું કરતું હોય તો તેની માહિતી મને આપજો: CR પાટીલ

સી.આર પાટીલે કાર્યકર્તાઓ સાથેની બેઠકમાં જણાવ્યું કે, 'ભાજપના કાર્યકર્તાઓ ટોપી પહેરજો, પણ કોઇને ટોપી પહેરાવતા નહીં. કોઇ ખોટું કરતું હોય તો તેની માહિતી મને આપજો. હું નામ પણ ગુપ્ત રાખીશ અને તપાસ પણ કરાવીશ.'

ભ્રષ્ટાચાર કરતા હોદ્દેદાર કે પદાધિકારીઓને ટિકિટ નહીં મળે: CR પાટીલ

વધુમાં જણાવી દઇએ કે, રાજકોટમાં પ્રદેશ ભાજપ પ્રમુખે ભાજપના કાર્યકરોનો ક્લાસ લીધો હતો. જેમાં તેઓએ ભ્રષ્ટાચાર કરતા પદાધિકારીના નામ કાર્યકર્તાઓને ખાનગીમાં આપવા કહ્યું હતું. પાટીલે કાર્યકર્તાઓને ભ્રષ્ટાચારીઓ સામે તપાસ કરાવીને કાર્યવાહી કરવા માટે કહ્યું હતું. ભ્રષ્ટાચાર કરતા હોદ્દેદાર કે પદાધિકારીઓને ટિકિટ નહીં મળે એવો પણ પાટીલે ઉલ્લેખ કર્યો હતો. રાજકોટમાં હેમુ ગઢવી હોલમાં સી.આર પાટીલે ભાજપના કાર્યકરો સાથે બેઠક કરી હતી. બંધ બારણે કાર્યકરો સાથે પ્રદેશ પ્રમુખે બેઠક કરી હતી.

રાજકોટમાં C.R પાટીલે કાર્યકરોનો ક્લાસ લીધો

• ભ્રષ્ટાચાર કરતા પદાધિકારીના નામ ખાનગીમાં આપવા કહ્યું
• ભ્રષ્ટાચારીઓ સામે તપાસ કરાવીશ અને કાર્યવાહી કરવા કહ્યું
• ભ્રષ્ટાચાર કરતા હોદેદાર કે પદાધિકારીઓને ટિકિટ નહીં મળે
• રાજકોટમાં હેમુ ગઢવી હોલમાં શહેર ભાજપના કાર્યકરો સાથે કરી હતી બેઠક
• ભાજપના કાર્યકર્તાઓ ટોપી પહેરજો, પણ કોઇને ટોપી પહેરાવતા નહીં: પાટીલ
• કોઇ ખોટું કરતું હોય તો તેની માહિતી મને આપજો: પાટીલ
• હું નામ પણ ગુપ્ત રાખીશ અને તપાસ પણ કરાવીશ: પાટીલ