નિર્ણય / ભાજપ હાઇકમાન્ડની મહત્વની જાહેરાત, સી.આર.પાટીલ બન્યા ગુજરાત ભાજપના નવા પ્રદેશ પ્રમુખ

• ગુજરાત ભાજપને મળ્યા નવા પ્રદેશ પ્રમુખ
• કોરોનાના સમયમાં સી.આર.પાટિલ ખૂબ સક્રિય રહ્યા હતા
• PM મોદીના અંગત વિશ્વાસુ છે સી.આર.પાટિલ

આપને જણાવી દઇએ કે, ભાજપના પીઢ નેતા અને ભાવનગર પશ્ચિમના ધારાસભ્ય જીતુ વાઘાણીનો કાર્યકાળ પૂર્ણ થતો હોવાથી ભાજપે ગુજરાત માટે નવા પ્રદેશ પ્રમુખની શોધ માટે અભિયાન હાથ ધર્યું હતું. ત્યારે હવે ભાજપ હાઇકમાન્ડે સત્તાવાર રીતે નવસારીના સાંસદ સી.આર.પાટિલને ગુજરાત ભાજપના નવા પ્રદેશ પ્રમુખ બનાવ્યા છે. 

PM મોદી, અમિત શાહ અને જે.પી નડ્ડાનો હું આભાર માનું છું. આગામી સમયમાં પાર્ટીને વધુ મજબૂત કરીશું અને પેટા ચૂંટણીમાં તમામ 8 સીટો ભાજપ જીતશે : ગુજરાત ભાજપના નવા પ્રદેશ પ્રમુખ C R Patil@CRPaatil @BJP4Gujarat@BJP4India@CMOGuj @vijayrupanibjp @JPNadda @narendramodi pic.twitter.com/R8AZc8E5wn

— VTV Gujarati News and Beyond (@VtvGujarati) July 20, 2020

ભાજપે ફરી સાબિત કર્યું કે ગુજરાત તેમના માટે રાજકીય લેબ છે

આપને જણાવી દઇએ કે, ભાજપનો વધુ એકવાર ગુજરાતમાં પ્રયોગ કરાયો છે. એટલે કે,  નોન ગુજરાતી નેતાને ગુજરાત ભાજપની કમાન સોંપાઇ છે. ત્યારે ભાજપે સાબિત કર્યું કે ગુજરાત તેમના માટે રાજકીય લેબોરેટરી છે. અત્રે જણાવી દઇએ કે, સીઆર પાટીલ મૂળ મહારાષ્ટ્રીયન છે અને તેઓ ત્રણ ટર્મથી નવસારી લોકસભાના સાંસદ પદે ચૂંટાઇ આવ્યા છે. 

કોણ છે સી.આર. પાટીલ 

એમનું નામ ચંદ્રકાંત રઘુનાથ પાટીલ પરંતુ પહેલા સુરત અને હવે આખો દેશ એમને સી.આર.પાટીલના નામથી જ ઓળખે છે. સતત અને સખત પરિશ્રમ થકી આજે નવસારી લોકસભા વિસ્તારમાંથી ત્રીજી વખત સાંસદ બનેલા સી.આર.પાટીલની પોતાના મતદારોમાં લોકપ્રિયતા એટલી પ્રચંડ છે કે ગત લોકસભાની ચૂંટણીમાં સૌથી વધુ લીડથી જીત મેળવનારમાં એમનો ક્રમ સમગ્ર દેશમાં ત્રીજો હતો. પોતાની ઓફિસમાં આઈ.એસ.ઓ. લેનાર એ સમગ્ર દેશના પ્રથમ સાંસદ છે.