સંવાદ / ભાજપ પ્રદેશ પ્રમુખ પદે 2 વર્ષ પૂર્ણ થવા પર CR પાટીલે કહ્યું, 'મોદીજીની સરકારમાં કોઈ દુશ્મન આંખ ઊંચી કરીને ન જોઈ શકે'

• સી.આર.પાટીલે મેળવી વધુ એક સિદ્ધી
• પ્રદેશ ભાજપ અધ્યક્ષના પદે 2 વર્ષ પૂર્ણ
• કમલમ ખાતે કરાઈ ઉજવણી

ગુજરાત ભાજપમાં પ્રદેશ અધ્યક્ષની કમાન સંભળ્યાને સી આર પાટિલને આજે 2 વર્ષ પૂર્ણ થયા છે. ત્યારે ગાંધીનગરમાં સબળ નેતૃત્વના બે વર્ષની ભવ્ય ઉજવણી કરવામાં આવી હતી.મોટી સંખ્યામાં ભાજપ કાર્યકરો અને હોદ્દેદારો કમલમ ખાતે હાજર રહ્યા હતા. 

C.R.પાટીલના સંબોધનના અંશ
C.R.પાટીલના પ્રદેશ ભાજપ અધ્યક્ષ પદે 2 વર્ષ પૂર્ણ થતાં પેજ સમિતિના સભ્યો સાથે સંવાદનો કાર્યક્રમ ગોઠવવામાં આવ્યો હતો. જેમાં સી આર પાટીલે પેજ મેમ્બરને ધન્યવાદ આપતા કહ્યું હતું કે  67 લાખ કાર્યકર્તાઓ ભાજપ સાથે જોડાયા છે. અને આ જ પેજ સમિતિ અને સંગઠનની મજબુતીથી પેટાચૂંટણીમાં ભવ્ય જીત મળી હતી.મતદાતાઓ મોદીજીને જીતાડવા ભાજપને મત આપે છે. આ પ્રસંગે ગુજરાત ભાજપ વતી તેમણે પીએમ મોદીનો આભાર વ્યક્ત કર્યો હતો અને કહ્યું હતું કે પૂરની પરિસ્થિતિમાં pM સતત પરિસ્થિતિ પર નજર રાખતા હતા. અત્યારે દેશના વિકાસ માટે કોણ વિચારશે ? કઈ પણ પરવાહ કર્યા વગર ગરીબો માટે પીએમ મોદી રાત દિવસ મહેનત કરી દેશને આગળ ધપાવી રહ્યા હોવાની પણ વાત કહી હતી. તે બાદ સી આર પાટીલે હુંકાર ભરતા જણાવ્યું હતું કે પીએમ મોદીના નેતૃત્વમાં કોઈ દુશ્મન આંખ ઉચી કરીને ન જોઈ શકે તેવી રીતે કેન્દ્ર સરકાર હાલ કામ કરી રહી છે. 

સી.આર.પાટીલના મહત્વના નિર્ણય

• પક્ષમાં કડક અને આક્રમક કાર્યપદ્ધતિ તરીકે ઓળખ 
• સતત કાર્યકરો વચ્ચે રહેવું અને કાર્યકરોને કાર્યરત રાખવા 
• મતદાર સુધી પહોંચવા પેજ પ્રમુખ અને પેજ સમિતિની રચના
• 'એક પરિવારને એક જ હોદ્દો' પક્ષમાં કડક નિયમ બનાવ્યો 
• સ્થાનિક સ્વરાજ્યની ચૂંટણી ત્રણ ટર્મ જીતનારાની ટિકિટ કટ
• પક્ષના સંગઠનમાં યુવાનને મળ્યું નેતૃત્વ  
• આક્રમક રણનીતિના ભાગરૂપે 182 બેઠકનો લક્ષ્યાંક
• વન ડે, વન ડિસ્ટ્રીક્ટ કાર્યક્રમ હેઠળ પાર્ટીને સતત સક્રિય રાખી 

2500થી વધુ બહેનોને સાડી વિતરણ કરાઇ
ભાજપ પ્રદેશ પ્રમુખ CR પાટીલના પ્રદેશ અધ્યક્ષ તરીકે 2 વર્ષ પૂર્ણ થતા ઓલપાડ જીન ખાતે ભાજપ સંગઠન દ્વારા ગંગા સ્વરૂપા યોજનાનો કાર્યકમ યોજાયો હતો.જેમાં રાજ્ય કક્ષાના કૃષિ મંત્રી મુકેશ પટેલ હાજર રહ્યા હતાં. ભાજપ સંગઠનના હોદેદારોના હસ્તે 2500થી વધુ બહેનોને સાડી વિતરણ કરવામાં આવી હતી જ્યારે ઓલપાડ વિસ્તારમાં મોટી સંખ્યા ગંગા સ્વરૂપા યોજનાનો બહેનો લાભ લીધો હતો. રાજ્ય સરકારના કૃષિ, ઉર્જા અને પેટ્રો કેમિકલ્સ વિભાગના મંત્રી મુકેશ પટેલે ગંગા સ્વરૂપ બહેનો સાથે સંવાદ પણ કર્યો હતો. લાભાર્થી બહેનોએ સરકારનો આભાર વ્યક્ત કરી દેશના વડાપ્રધાન મોદીને બે હાથ ઊંચા કરી આર્શીવાદ આપ્યા હતા.

સી.આર.પાટીલની ઉપલબ્ધિ

• આઠ પેટા ચૂંટણીમાં ભાજપને 100 ટકા જીત 
• 6 મહાનગરપાલિકામાં ભાજપને 100 ટકા જીત 
• સ્થાનિક સ્વરાજ્યની ચૂંટણીમાં ભાજપને 90 ટકાથી વધારે જીત 
• કોરોના કાળમાં પક્ષના નેતૃત્વ હેઠળ 17 હજાર બેડનું આઈસોલેશન સેન્ટર ઉભું કર્યું 
• પક્ષને શિસ્તમાં રાખી કાર્યકરો અને સિનિયર્સને દોડતા રાખ્યા
• પાર્ટીમાં સંગઠનના હોદ્દેદારોને ટેક્નોસેવી બનાવી લોકો વચ્ચે રાખ્યા 
• સરકાર અને સંગઠન વચ્ચે સંકલન રાખ્યું