રાજકારણ / CPM ગૂમાવી શકે છે રાષ્ટ્રીય પાર્ટીનો દરજ્જો, રાજ્યસભામાં નહીં દેખાય દિગ્ગજ યેચૂરી

લોકસભા ચૂંટણીમાં ખરાબ પ્રદર્શનને કારણે પાર્ટીએ રાષ્ટ્રીય પાર્ટીનો દરજ્જો ગુમાવવો પડી શકે છે. આ કારણે હવે પાર્ટીની સંસદ ભવનની ઓફિસ પણ છીનવાઇ શકે છે.

પાર્ટીની બેઠકોમાં ઘટાડાને પગલે સીપીએમનું સસંદ ભવન સ્થિત ઓફિસ નંબર 135 પાર્ટી પાસેથી પાછું લઇ શકાય તેમ છે. આ ઓફિસ ઘણા દાયકાઓથી સીપીએમ પાસે હતી. આ ઉપરાંત પાર્ટીના મહાસચિવ દિગ્ગજ નેતા સીતારામ યેચૂરી પણ સંસદમાં નહીં જોવા મળે. પાર્ટી પહેલાથી જ ત્રીજા કાર્યકાળ આપવાથી ઇનકાર કરી ચૂકી છે. 

સીપીએમ પાર્ટીના નિયમ મુજબ, કોઇ પણ પાર્ટીના નેતા બેથી વધુ વાર ઉપલા ગૃહમાં સદનનો સભ્ય ચૂંટાઇ શકે નહીં. સીપીએમે આ વખતે લોકસભામાં માત્ર 3 બેઠક જીતી છે.  પાર્ટીના રાજ્યસભામાં વર્તમાનમાં 5 સભ્ય છે.

વર્ષ 2014માં પાર્ટી પાસે 9 બેઠક હતી. એ સમયે જ પાર્ટી પાસેથી ઓફિસ છીનવાઇ જવાનો ખતરો મંડરાઇ રહ્યો હતો. પરંતુ દિગ્ગજ નેતા સીતારામ યેચૂરીને કારણે આમ થઇ શક્યું નહોતું. આ વખતે પાર્ટી પાસે સીતારામ યેચૂરીના કદનો કોઇ નેતા નથી.