હુમલો / પાલતું શ્વાનને લઇ બજારમાં નિકળતા પહેલા જોઇ લેજો આ વીડિયો, વલસાડના શ્વાસ થંભાવી દે તેવા દ્રશ્યો

• વલસાડના શાકભાજી માર્કેટની ઘટના 
• વલસાડમાં પાલતુ શ્વાન ગાયોની સામે ભસતા ગાયો ભડકી
• યુવાન પર કર્યો હુમલો, માંડમાંડ બચ્યો જીવ

વલસાડમાં 2 દિવસ અગાઉ પાલતું શ્વાસ અને તેના માલિક પર ગાયોએ હુમલો કર્યો હતો. જેના સીસીટીવી ફૂટેજ સામે આવ્યા છે. શ્વાનને બચાવવા ગયેલા યુવક પર ભડકેલી ગાયોએ હુમલો કરી દીધો હતો. વલસાડની શાકભાજી માર્કેટમાં દોડધામ મચી ગઇ હતી.

શું બની હની ઘટના?

વલસાડની શાકભાજી માર્કેટના રસ્તા પર એક યુવક પોતાના પાલતું શ્વાનને લઇને નીકળ્યો હતો. આ દરમિયાન કેટલીક ગાયોએ પણ બજારના રસ્તા પર ફરી રહી હતી. ત્યારે ગાયોને જોતા પાલતું શ્વાન ભસવા લાગ્યો હતો. જેને લઇને ગાયો ભડકી ગઇ અને શ્વાનની પાછળ દોડી હતી. 

તો ગાયોને હુમલો કરવા માટે દોડતી આવતી જોઇને શ્વાનનો માલિક પોતાના પાલતું શ્વાનને ઊંચકીને બજારમાં દોડ્યો હતો. તો ગાયોએ શ્વાન અને તેના માલિકનો પીછો કર્યો હતો. બજારમાં રોડ પર દોટ મૂકી હતી તેમ છતા ભડકેલી ગાયોએ શ્વાન માલિકનો પીછો ન છોડ્યો. જેને લઇને શ્વાન માલિકે શ્વાનને છુટો મૂકી દીધો હતો. બાદમાં દોડધામ સમયે ફરી શ્વાન અને યુવકનો ભેટો થઇ ગયો હતો. યુવકે પોતાના શ્વાનને ઊંચકી લઇ દોડ્યો, પરંતુ આગળ યુવક નીચે પડી ગયો હતો. જ્યાર બાદ ગાયો તેની સુધી પહોંચી જતા યુવક પર હુમલો કરી દીધો હતો. આ સમયે વલસાડની ભરબજારમાં બનેલી આ ઘટનાના પગલે થોડા સમય સુધી દોડધામ મચી જવા પામી હતી.