સંબોધન / દુનિયાને કોરોના મહામારીથી બચાવવા માટે ભારતે કર્યા છે સંભવ પ્રયાસો, COWIN ગ્લોબલ કોંકલેવમાં PM મોદીનું સંબોધન

• ભારત દુનિયાને મદદ કરવા સામે આવ્યું 
• COWINને ઓપન સોર્સ બનાવવાની તૈયારી
• કોઈ પણ દેશને મફતમાં COWIN આપી શકાય

ભારત દુનિયાને મદદ કરવા સામે આવ્યું 
PM મોદીએ સોમવારે કહ્યું કે મહામારીની શરૂઆતરથી જ ભારત પોતાના બધા અનુભવો અને સંસાધનોને વિશ્વ સાથે કદમથી કદમ મિલાવી ચાલવામાં એકદમ પ્રતિબદ્ધ રહ્યું છે. COWIN ગ્લોબલ કોંકલેવમાં પોતાના સંબોધન દરમિયાન કહ્યું કે પોતાની બધી મુશ્કેલીઓ હોવા છતાં પણ જેટલું સંભવ થઈ શક્યું તે મુજબ આપણે દુનિયા સાથે ચાલ્યા છીએ અને દુનિયાને ઘણી મદદ કરી. 

COWINને ઓપન સોર્સ બનાવવાની તૈયારી
પોતાના સંબોધનમાં તેમણે આગળ કહ્યું કે માત્ર ભારત દેશ જ એકલો મહામારીથી નથી લડી રહ્યો, કોરોનાની સામે આખી દુનિયા એકસાથે મળીને લડી રહી છે. તેમણે કહ્યું કે "મહામારીના કારણે દેશમાં જે પણ લોકોએ પોતાનો જીવ ગુમાવ્યો છે, તે બધા જ લોકો પ્રતિ હું મારી સંવદેના વ્યકત કરું છું. ભારત પોતાના વેકસીનેશ પ્લેટફોર્મ COWIN થી દુનિયાના ઘણા દેશો સાથે ચાલી રહ્યું છે. વધુમાં તેમણે કહ્યું કે,"ભારતીય સભ્યતા આખી દુનિયાને એક પરિવાર માને છે. આ મહામારીએ ઘણા લોકોને આ સિદ્ધાંતની મૌલિક હકીકતથી રૂબરૂ કરી દીધા છે. એટલે જ, કોવિડ વેકસીનેશસન માટે આપણું ટેકનિકલ પ્લેટફોર્મ COWINને ઓપન સોર્સ બનાવવાની તૈયારી કરવામાં આવી રહી છે. 
 

કોઈ પણ દેશને મફતમાં COWIN આપી શકાય
પ્રધાનમંત્રીએ કહ્યું કે મહામારીની વિરુદ્ધ વેકસીનેશન લોકો માટે એક સારામાં સારી આશા લઈને આવી છે. તેમણે કહ્યું કે "અને તેથી જ અમે શરૂઆતથી જ ભારતને પૂર્ણ રૂપે ડિજિટલ કરવાનો નિર્ણય લેવામાં આવ્યો હતો, આ વાતનું ધ્યાન ત્યારે પણ રાખવામાં આવ્યું જ્યારે અમે વેકસીનેશન રણનીતિની યોજના બનાવી રહ્યા હતા. દુનિયાના લગભગ 50 દેશોએ રસીકરણ અભિયાન માટે કોવિન જેવુ પોર્ટલ તૈયાર લેવામાં રસ દાખવ્યો છે. સાથે જ આ ટેકનિકલ પ્લેટફોર્મ COWIN ને ઓપન સોર્સ બનાવવાની તૈયારી કરવામાં આવી રહી છે જેથી કોઈ પણ દેશને મફતમાં આ પોર્ટલ આપી શકાય.