ભારત તરફથી અફઘાનિસ્તાનની સુરક્ષા માટે અપાયેલા Mi-24 હેલિકોપ્ટર પર પણ તાલિબાને કબજો જમાવી દીધો છે. Mi-24 હેલિકોપ્ટર અફઘાની વાયુસેનાના કબજામાં હતું.
તાલિબાનોએ કુન્દુઝના આર્મી બેઝ પર પણ કબજો કર્યો
તાલિબાનોએ કુન્દુઝના આર્મી બેઝ પર પણ કબજો કરી લીધો છે. અફઘાન સુરક્ષા દળો માટે આ મોટો આંચકો માનવામાં આવે છે. તાલિબાને વર્ષ 2019 માં ભારત દ્વારા ભેટમાં આપેલ Mi-24 એટેક હેલિકોપ્ટર પણ કુંદુઝ બેઝ પર કબજે કર્યું છે.
જો કે, અહેવાલો અનુસાર, હેલિકોપ્ટર ખૂબ જ નબળી હાલતમાં છે અને ઉડી શકે તેમ નથી. હેલિકોપ્ટરનું એન્જિન પણ ગાયબ છે. એવું પણ કહેવામાં આવી રહ્યું છે કે તાલિબાનના હુમલાની શક્યતાને કારણે અફઘાન સુરક્ષા દળોએ હેલિકોપ્ટરના રોટર્સ અને એન્જિનને હટાવી દીધા હતા.
જ્યારે ભારતે અફઘાનિસ્તાનને Mi-24 સોંપ્યું હતું
ભારતે 16 મે 2019 ના રોજ કાબુલ એરફોર્સ બેઝ પર અફઘાનિસ્તાનના સંરક્ષણ મંત્રી અસદુલ્લાહ ખાલિદને બે Mi-24 લડાકુ હેલિકોપ્ટર સોંપ્યા હતા. અગાઉ 25 ડિસેમ્બર 2016 ના રોજ, પીએમ નરેન્દ્ર મોદીની અફઘાનિસ્તાન મુલાકાત દરમિયાન, નવી દિલ્હીએ અફઘાન એરફોર્સને ચાર એમઆઈ -25 હેલિકોપ્ટર ભેટમાં આપ્યા હતા.
હાલમાં, તાલિબાને નવ પ્રાંતીય રાજધાનીઓ કબજે કરી છે અને ઓછામાં ઓછા 12 પ્રાંતીય રાજધાનીઓને સીધી ધમકી આપવામાં આવી રહી છે. અફઘાન સેના અને તાલિબાન ઘણા જિલ્લાઓમાં તેમજ મોટા શહેરો જેવા કે હેરત અને કંદહારમાં સામસામે છે.
અફઘાન સેનાએ 439 તાલિબાની આતંકીઓને ઠાર કર્યો
આખા દેશમાં બેફામ બનેલા તાલિબાનને એક મોટો ઝટકો આપતા અફઘાન સેનાએ ઓછામાં ઓછા 439 આતંકીઓને ઠઆર કર્યાં છે. અફઘાન સેનાએ કરેલા ભીષણ હવાઈ હુમલામાં 439 આતંકીઓ માર્યા ગયા હતા તથા 77 ઘાયલ થયા હતા. અફઘાન રક્ષા મંત્રાલયે ટ્વિટ કરીને આ માહિતી આપી.
તાલિબાને છોકરીઓને સેક્સ ગુલામ બનાવવાનું શરુ કર્યું
જેમ જેમ તાલિબાનનો કબજો વધતો જાય તેમ તેમ અફઘાનિસ્તાન હાલત ખરાબ બની રહી છે. નવા રિપોર્ટમાં દાવો કરાયો છે કે અફઘાનિસ્તાનમાં તાલિબાનો યુવાન છોકરીઓને સેક્સ ગુલામ બનાવવવા માટે ઘેર ઘેરથી ઉપાડી રહી છે. સૂત્રોના જણાવ્યાનુસાર તાલિબાને સ્થાનિક નેતાઓ પાસેથી 12 વર્ષની છોકરીઓની યાદી માંગી હતી. હવે તાલિબાની નેતા અપહરણ અને મહિલાઓની જબરજસ્તીથી લગ્ન કરાવવાનો પ્રયાસ કરી રહ્યાં છે.