કર્ણાટક / ના હોય! ગાય સોનાની 2 તોલાની ચેઈન ગળી ગઈ, પછી જે થયું તે જાણીને આંખો ચાર થઈ જશે

• દિવાળીની પૂજા કર્યા બાદ સોનાની ચેઈન ગાયની સામે મુકી દીધી
• 30 થી 35 દિવસે ગાયના છાણની તપાસ કરી
• ડોકટરે સર્જરી કરીને ચેઈનને બહાર કાઢી

ડોકટરે મેટલ ડિટેક્ટર દ્વારા ચેઈન શોધી કાઢી અને સર્જરી કરીને ચેઈનને બહાર કાઢી

કર્ણાટકના સિરસી તાલુકાના હીપાનાહલ્લીમાં એક વ્યક્તિની ગાયે 20 ગ્રામ સોનાની ચેઈન ગળી ગઈ હતી. શરૂઆતમાં તે માણસે લગભગ એક મહિના સુધી ગાયના છાણ પર નજર રાખી હતી. પરંતુ જ્યારે કામ ન થયું, ત્યારે તે ડોકટર પાસે ગયો ડોકટરે મેટલ ડિટેક્ટર દ્વારા ચેઈન શોધી કાઢી અને સર્જરી કરીને ચેઈનને બહાર કાઢી. એક રિપોર્ટ અનુસાર, શ્રીકાંત હેગડે પાસે 4 વર્ષની ગાય અને તેનું વાછરડું છે. ઉલ્લેખનીય છે કે, દિવાળી પછી તેણે ગાયની પૂજા કર્યા બાદ તેને ફૂલો અને સોનાના હારથી શણગાર્યા હતાં. તમને જણાવી દઈએ કે, કેટલાક લોકો ગાયને 'લક્ષ્મી'નું સ્વરૂપ પણ માને છે. આવી સ્થિતિમાં તેઓ પોતાની ગાયને કિંમતી આભૂષણોથી પણ શણગારે છે. જો કે, પૂજા પછી ઘરેણાં પાછા લઈ લેવામાં આવે છે.

દિવાળીની પૂજા કર્યા બાદ સોનાની ચેઈન ગાયની સામે મુકી દીધી

શ્રીકાંત હેગડેના પરિવારે વાછરડાને 20 ગ્રામની સોનાની ચેઈન પહેરાવી હતી. પરંતુ ચેઈન હટાવ્યા બાદ તેઓએ તેને ફૂલ અને અન્ય વસ્તુઓ સાથે ગાયની સામે મૂકી દીધી. બાદમાં સોનાની ચેઈન ગાયબ હોવાનું જાણવા મળ્યું હતું. તેણે સાંકળ માટે ઘણી શોધ કરી. પણ ન મળ્યો. બાદમાં પરિવારજનોએ અનુમાન લગાવ્યું હતું કે ગાયે ત્યાં રાખેલા ફૂલોની સાથે સાંકળ ગળી ગઈ હશે.

30 થી 35 દિવસે ગાયના છાણની તપાસ કરી

આ પછી પરિવારના સભ્યોએ લગભગ 30 થી 35 દિવસ સુધી ગાયના છાણની તપાસ કરી કે તેઓને ત્યાં સાંકળ મળે છે કે કેમ. પરંતુ અફસોસ, તેમને કશું મળ્યું નહીં. છેવટે તે મદદ માટે પશુવૈદ પાસે ગયો, જેણે મેટલ ડિટેક્ટરની મદદથી ગાયની તપાસ કરી અને તેના પેટમાં ધાતુ હોવાનું બહાર આવ્યું. ત્યારપછી ગાયના પેટનું સ્કેનિંગ કરીને જાણવા મળ્યું કે પેટમાં ચેઈન ક્યાં ફસાઈ ગઈ છે.

20 ગ્રામથી આટલી થઈ ગઈ સોનાની ચેઈન 

પરિવારની વિનંતી પર સર્જરી કરીને સોનાની ચેન કાઢી નાખવામાં આવી હતી. જોકે,ચેઈનનું વજન 20 થી 18 ગ્રામ ઘટી ગયું હતું. કારણ કે તેનો એક નાનો ભાગ ગાયબ છે. પરિવાર તેમની કિંમતી ચેઈન મેળવીને ખુશ છે. પરંતુ તેને અફસોસ છે કે ગાયને આ બધામાંથી પસાર થવું પડ્યું.