અમેરિકામાં એક સ્ટોર પર છાણાં વેચાતાં હોય તેવો ફોટો સોશ્યલ મીડિયા પર વાયરલ થઈ રહ્યા છે. એટલું જ નહિ આ વસ્તુ કોઈ ખાવાની ચીજ ન સમજી લે તે માટે તેના પર નોટ ઇટેબલ પણ લખવામાં આવ્યું છે.
સોશ્યલ મીડિયામાં વાયરલ અમેરિકામાં છાણાંની તસવીરો
ત્રણ ડોલરમાં વેચાઈ રહ્યાં છે દસ છાણાં
ભારતમાં ધાર્મિક કાર્યોમાં છાણાંનો ઉપયોગ થાય છે
એક પેકેટમાં 10 છાણાં આપવામાં આવે છે
આ સ્ટોરમાં એક પેકેટમાં 10 છાણાં આપવામાં આવે છે જેના પર લખવામાં આવ્યું છે કે આ વસ્તુ માત્ર ધાર્મિક કામ માટે ઉપયોગમાં આવે છે જે ખાવા લાયક નથી. આ પેકેટ ત્રણ ડોલરમાં વેચાઈ રહ્યું છે એટલે કે લગભગ 215 રૂપિયા ખર્ચવા પડશે.
આ તસ્વીરમાં લોકોભાત-ભાતની કોમેન્ટ પણ કરી રહ્યા છે
લોકોને આશ્ચર્ય પમાડે તેવી આ તસવીર સોશ્યલ મીડિયામાં ધૂમ મચાઈ રહી છે. આ તસ્વીરમાં લોકોભાત-ભાતની કોમેન્ટ પણ કરી રહ્યા છે. એટલું જ નહિ એક વ્યક્તિએ તો ત્યાં સુધી લખ્યું કે આ જોવામાં તો ખુબ સારું લાગી રહ્યું છે, તે ખાવાલાયક કેમ નથી!
ભારતીય મહિલાઓ પણ ઘરમાં રસોઈ કામ માટે છાણાં વાપરે છે
ઘણા યુઝર્સ આ તસવીરો શેર કરી રહ્યા છે અને રમૂજ પણ ઉપજાવી રહયા છે. ઉલ્લેખનીય છે કે ભારતમાં આજે પણ ગાયના ગોબરમાંથી બનેલાં છાણાં ખુબ શુભ માનવામાં આવે છે. ધાર્મિક કર્યો માટે હવન, યજ્ઞ-યાગાદિમાં છાણાંનો ઉપયોગ કરવામાં આવે છે. આ સિવાય ભારતીય મહિલાઓ પણ ઘરમાં રસોઈ કામ માટે છાણાં વાપરે છે.