DCGIનો નિર્ણય / 7 થી 12 વર્ષના બાળકો માટે કોવોવેક્સ અને 18ની ઉંમરના લોકો માટે પહેલી સ્વદેશી વેક્સિનને મંજૂરી

• 7 થી 12 વર્ષના બાળકો લઈ શકશે કોવોવેક્સ વેક્સિન
• DCGIએ સિરમની કોવોવેક્સને આપી મંજૂરી 
• 18 વર્ષથી વધુ ઉંમરના લોકો માટે mRNA રસીને પણ મંજૂરી

ડ્રગ્સ કંટ્રોલર જનરલ ઓફ ઇન્ડિયા (ડીસીજીઆઈ) એ 7 થી 12 વર્ષની વયના બાળકો માટે સીરમ ઇન્સ્ટિટ્યૂટની કોવોવેક્સ રસીને મંજૂરી આપી દીધી છે. ડીસીજીઆઈની મંગળવારે મળેલી બેઠકમાં આ નિર્ણય લેવાયો હતો. 

Serum Institute of India's Covovax has been approved for restricted use in an emergency situation by DCGI for children between the age group of 7 & 12 years: Sources

— ANI (@ANI) June 28, 2022

18 વર્ષથી વધુ ઉંમરના લોકો માટે mRNA રસીને પણ મંજૂરી
ડીસીજીએએ 18 વર્ષ કે તેથી વધુ ઉંમરના લોકો માટે જીનોવા બાયોફાર્માસ્યુટિકલની બે ડોઝની mRNA રસીને પણ મંજૂરી આપી દીધી છે. પહેલીવાર એઆરએનએ ટેકનોલોજીથી બનેલી રસીને 2 થી 8 ડિગ્રી સેલ્સિયસ તાપમાનમાં રાખવા યોગ્ય બનાવવામાં આવી છે.

DCGI approves India's first home-grown mRNA Covid vaccine by Gennova Biopharma for emergency use in 18 yrs & above: Official sources

— Press Trust of India (@PTI_News) June 28, 2022

 12થી 17 વર્ષના લોકો માટે પણ કોવોવેક્સને મંજૂરી અપાઈ છે
સીરમ ઇન્સ્ટિટ્યૂટ ઓફ ઇન્ડિયા (એસઆઈઆઈ) ના સરકારી અને નિયમનકારી બાબતોના નિયામક પ્રકાશ કુમાર સિંહે 16 માર્ચે ઇમરજન્સી યુઝ ઓથોરાઇઝેશન માટે અરજી રજૂ કરી હતી. આ પહેલા ડીસીજીઆઈએ 28 ડિસેમ્બરે કોવોવેક્સને પુખ્ત વયના લોકોમાં કટોકટીની પરિસ્થિતિઓમાં મર્યાદિત ઉપયોગ માટે મંજૂરી આપી હતી. 9 માર્ચે કેટલીક શરતોને આધિન 12થી 17 વર્ષની વયજૂથમાં પણ તેના ઉપયોગને મંજૂરી આપવામાં આવી હતી. ઉલ્લેખનીય છે કે દેશમાં 16 માર્ચથી 12-14 વર્ષની વયના બાળકોનું રસીકરણ શરૂ કરવામાં આવ્યું હતું. તે જ સમયે, ગયા વર્ષે 16 જાન્યુઆરીએ દેશભરમાં રસીકરણ અભિયાન શરૂ કરવામાં આવ્યું હતું, જેમાં પ્રથમ તબક્કામાં આરોગ્ય કર્મચારીઓને રસી આપવામાં આવી હતી. ફ્રન્ટલાઈન વર્કર્સનું રસીકરણ ગયા વર્ષે 2 ફેબ્રુઆરીથી શરૂ થયું હતું.