ગુજરાતમાં વેક્સિન પહોંચી છે. DyCM નીતિન પટેલે અમદાવાદ એરપોર્ટ પર કોરોનાની વેક્સિનનો જથ્થો રિસિવ કર્યો હતો.
વેક્સિનના વધામણા
કોવિશીલ્ડ વેક્સિન પહોંચી ગુજરાત
DyCM નીતિન પટેલે કોવેક્સિનને કરી રિસીવ
કોરોના વેક્સિનને લઇને આતુરતાનો અંત આવ્યો છે. કોરોના વેક્સિનનો પ્રથમ ડોઝ અમદાવાદ એરપોર્ટ પહોંચ્યો છે જેને નાયબ મુખ્યમંત્રી નીતિન પટેલે રિસિવ કર્યો હતો.
સીરમની કોવિશિલ્ડ વેક્સિન અમદાવાદ આવી પહોંચી છે. DyCM નીતિન પટેલે વેક્સિનને વધાવી હતી. ગૃહમંત્રી પ્રદીપસિંહ જાડેજા પણ હાજર રહ્યાં હતા. આરોગ્ય અગ્ર સચિવ જયંતી રવિ પણ કોરોનાની વેક્સિનને વધાવી હતી.
અમદાવાદ એરપોર્ટથી વેક્સિનની ટ્રક ગાંધીનગર જવા રવાના થઈ હતી જેને નીતિન પટેલે લીલી ઝંડી આપી હતી. ગ્રીન કોરિડોર મારફતે વેક્સિન ગાંધીનગર રવાના કરવામાં આવી હતી. આ માટે ચુસ્ત પોલીસ બંદોબસ્ત ગોઠવવામાં આવ્યો હતો.
નાયબ મુખ્યમંત્રી નીતિન પટેલે જણાવ્યું હતુ કે, 16 જાન્યુ.એ પ્રથમ તબક્કો શરૂ થઈ રહ્યો છે. પુણેથી 2.76 લાખ વેક્સિનનો જથ્થો અમદાવાદ પહોંચ્યો હતો. વેક્સિન આવવાથી લોકોનો ઉત્સાહ વધ્યો છે. કેન્દ્ર સરકાર અને PM મોદીનો આભાર માનીએ છે કે આપણને કેન્દ્ર સરકાર તરફથી વિનામૂલ્યે જથ્થો મળ્યો છે
નીતિન પટેલે વધુમાં જણાવ્યું હતુ કે, 1.20 લાખ ડોઝ અમદાવાદને મળશે જ્યારે 60 હજાર ડોઝ આવતીકાલે ભાવનગર મોકલાશે અને 94,500 ડોઝનો જથ્થો વડોદરા મોકલાશે. 93,500 ડોઝનો જથ્થો સુરત મોકલવામાં આવશે. રાજકોટ માટે 77 હજાર ડોઝ બાયરોડ પહોંચશે.
ગુજરાતમાં કુલ 5.41 લાખ રસીના ડોઝ પહોંચશે
આજે CM રૂપાણી કોરોના વેક્સિન મુદ્દે કરશે જાહેરાત કરશે. બપોરે 12 વાગ્યે CM રૂપાણીની પત્રકાર પરિષદ છે. વેક્સિન વ્યવસ્થા અંગે CM રૂપાણી માહિતી આપશે.
આજે સવારે 10.45 કલાકે વેક્સિન ગુજરાતમાં આવશે
આજે અમદાવાદ એરપોર્ટ પર વેક્સિનનો જથ્થો પહોચશે. આજે સવારે 10.45 કલાકે વેક્સિન ગુજરાતમાં આવશે. ઇન્ટરનેશનલ એરપોર્ટ પર આવેલો વેક્સિનનો જથ્થો અમદાવાદથી અલગ અલગ કોલ્ડ સ્ટોરેજમાં લઈ જવાશે.
વેક્સિનેશનની તૈયારીઓને લઈને DyCM નીતિન પટેલનું નિવેદન સામે આવ્યું છે જેમાં તેમણે જણાવ્યું હતુ કે, વેક્સિનેશનની કામગીરી 16 જાન્યુઆરીએ શરૂ થશે. પ્રથમ તબક્કામાં દેશના 3 કરોડ વોરિયર્સનું વેક્સિનેશન કરવામાં આવશે. ત્યાર બાદ 3 કરોડ કર્મીના વેક્સિનેશન માટેનો ખર્ચ સરકાર ઉપાડશે. પ્રથમ તબક્કાના રસીકરણ બાદ PM મોદી ફરી સમીક્ષા કરશે. ગુજરાતમાં 287 બુથ પર રસીકરણ શરૂ થશે. ગુજરાતમાં હાલ 25 હજાર બુથ વેક્સિનેશન માટે તૈયાર છે.