કેન્દ્ર સરકારે ખાનગી હોસ્પિટલો માટે વેક્સિનના મહત્તમ દર નક્કી કર્યા છે. કોવિશિલ્ડ 780 અને કોવેક્સિન 1410 રૂ.માં મળશે.
કેન્દ્ર સરકારે ખાનગી હોસ્પિટલો માટે વૈક્સિનના ભાવ નક્કી કર્યા
કોવિશિલ્ડ 780રૂ.માં અને કોવેક્સિન રૂ.1410માં મળશે
રશિયન વેક્સીન સ્પૂતનિક-v માટે રૂ.1145 નો ખર્ચ કરવો પડશે
કેન્દ્ર સરકારે ખાનગી હોસ્પિટલો માટે કોરોના વૈક્સિનના મહત્તમ ભાવ નક્કી કરી લીધા છે, જો તમે કોઈ ખાનગી હોસ્પિટલમાં કોવિશિલ્ડ લેવાનું વિચારતા હો તો આપે તે માટે 780 રૂપિયા ચૂકવવા પડશે, આ ઉપરાંત કોવેક્સિન લેવી હશે તો તમારે રૂ 1410 રૂપિયા ચૂકવાવ પડશે.
રશિયન વેક્સીન સ્પૂતનિક-v માટે રૂ.1145 નો ખર્ચ કરવો પડશે
રશિયન વેક્સીન સ્પૂતનિક-v માટે રૂ.1145 નો ખર્ચ કરવો પડશે, આપને જણાવી દઈએ કે, વેક્સિનની નક્કી કરાયેલી આ મહત્તમ કિંમતમાં GST દર સાથે સાથે 150 રૂપિયા સર્વિસ ચાર્જ પણ સામેલ છે.
સ્વાસ્થ્ય મંત્રાલયના બ્રીફિંગમાં નીતિ આયોગના મેમ્બર ડોક્ટર વીકે પોલે જણાવ્યું કે સરકારે 44 કરોડ વેક્સિનનો ઓર્ડર આપ્યો છે તેમાં 25 કરોડ ડોઝ કોવિશિલ્ડના અને 19 કરોડ કોવેક્સિનના ડોઝ સામેલ છે. કેન્દ્ર સરકારે 40 કરોડ વેક્સિન ડોઝ માટે 30 ટકા રકમ પણ એડવાન્સમાં આપી દીધી છે.
30 ટકા રકમ પણ એડવાન્સમાં આપી
વીકે પોલે જણાવ્યું કે જે નવો 44 કરોડ વેક્સિનનો ઓર્ડર અપાયો છે તે પહેલેથી મેળવી લેવામાં આવેલી વેક્સિનની ડોઝથી અલગ છે. જુલાઈ સુધીમાં દેશને 53.6 કરોડ વેક્સિન મળશે. તેમણે કહ્યું કે ઓગસ્ટથી ડિસેમ્બર સુધી 44 કરોડ વેક્સિનનો સપ્લાય મળી જશે. તેમણે કહ્યું કે સિરમ ઈન્સ્ટીટ્યુટ ઓફ ઈન્ડીયા અને ભારત બાયોટેકને 30 ટકા રકમ પણ એડવાન્સમાં આપી દેવાઈ છે.
જરુર પડે તો વેક્સિનનો વધારે ઓર્ડર આપવામાં આવશે-કેન્દ્ર સરકાર
આ ઉપરાંત વેક્સિન બનાવતી બન્ને કંપનીઓને પણ હજુ પણ વધારે ઓર્ડર આપવામાં આવશે. ડોક્ટર પોલે એવું પણ જણાવ્યું કે સરકારરે બાયોલોજિકલ ઈ વેક્સિનના 30 કરોડ ડોઝ માટેનો ઓર્ડર પણ આપી દીધો છે જે સપ્ટેમ્બર સુધીમાં મળી જશે.